اسلام آباد ۔ 27 اگست (اے پی پی) محکمہ موسمیات ئِ گوشگ ئِ ردا آووکیں 24کلاک آنی تہ ئَ ملک ئِ گیشتریں دمگاں موسم گرم ئُُ نمبیگ بہ بیت بلے ڈی جی خان، ملتان، بہاولپور، ڈی آئی خان، قلات ڈویژن، فاٹا ئُُ کشمیر ئَ لہتیں بہراں ترندیں گواتاں ئُُ گرند ئُُ گروک ئَ گوں ھور ئِ گمان انت۔ رپورٹ ئِ ردا گوستگیں 24کلاک آنی ساعت ئَ ہزارہ، ڈی آئی خان، بُرزی پنجاب،کشمیر ئُُ گلگت بلتستان ئَ لہتیں جاھاں ترندیں گواتاں ئُُ گرند ئُُ گروک ئَ گوں ھور بوتگ ئُُ ملک ئِ دگہ بہراں موسم گرم ئُُ مربوط بوتگ۔درستاں چہ گیش ھور ڈی آئی خان ئَ 77 ملی میٹر ریکارڈ بوتگ۔
