اسلام آباد۔ 26 اگست(اے پی پی) بنجائی وزیر خزانہ اسحاق ڈار پارینے کہ ششمیکو مردم و خانہ شماری نا سرسہب اڈتننگ ساڑی حکومت نا اہم ئُ مزل اسے، مردم شماری آن جمع کروک آ باپت حساب وکتاب مناسب ڈٹ بندی، پالیسی سازی، پاکستانی الس نا خذمت آتا گچین فراوانی ٹی اہم ئُ کڑد اس اداکیک۔ داہیت آتے او ہفتہ نادے داڑے ششمیکو مردم و خانہ شماری نامالی خڑچ آتا جاچ ئِ ہلنگ نا غرض اٹ دیوان نا کماشی ئِ کرسا پارے۔ فنانس سیکرٹری، محکمہ شماریات و وزارت خزانہ نا بڑزکو کمامدارآک ہم دیوان اٹی بشخ ہلکر ۔ محکمہ شماریات نا ٹیم بنجائی وزیر خزانہ ئِ مردم شماری نا بابت مالی خڑچ و مر ایلو تعلقدار معاملہ غاتیا بریف کرے۔
