اسلام آباد۔ 26 اگست (اے پی پی) صدر آزاد جموں و کشمیر سردار مسعود خان پارینے کہ شون ہلوک و پدسلوک ملک آتا نیام اٹ بنداوی پرخ علم آ مبنی معیشت نا ئِ۔ آزاد کشمیر اٹی داوخت آ جم وڑاٹ ہفت یونیورسٹی ئُ ہرافتے ٹی اِرٹ نجی و پنچ پبلک سیکٹر یونیورسٹی ئُ۔ پٹ وپول نا مون آ دننگ و تعلیم نا آب ئِ گچین جوڑ کرسا آزاد کشمیر اٹی معیشت ئِ علم انا بنداو آ استوار کننگ مریک۔ داخیال آتا درشانی ئِ او تدوک آ دے داڑے صدارتی سیکرٹریٹ اٹی آزاد کشمیر نا پبلک سیکٹر یونیورسٹی تا وائس چانسلرز و بڑزکو تعلیمی کمیشن نا کمامدارآتا اسیجائی دیوان نا کماشی ئِ کرسا کریر۔ دیوان اٹی چیئرمین (ایچ ای سی) پروفیسر ڈاکٹر مختار احمد، ایگزیکٹو ڈائریکٹر ڈاکٹر ارشد علی و ڈی جی اے اینڈ سی اویس احمد، وائس چانسلر مسٹ پروفیسر ڈاکٹر حبیب الرحمان، ڈاکٹر محمد کلیم عباسی، ڈاکٹر رسول جان، ڈاکٹر مشتاق ساجد، سیکرٹری صدارتی امور محمد ظفر خان، ایڈیشنل سیکرٹری شازیہ اشرف و ایلوفک ساڑی ئسر۔
