بنجائی وزیر داخلہ احسن اقبال نا خاخر آن زہمی ایچ نائن بازار اسلام آباد نا اسٹال زہمی تے حکومت نا کنڈآن کمک نا یخین دہانی
اسلام آباد۔ 26 اگست (اے پی پی) بنجائی وزیر داخلہ احسن اقبال خاخر آن زہمی ایچ نائن بازار اسلام آباد نا اسٹال زہمی تے حکومت نا کنڈآن کمکاری نا یخین دہانی کرفینے و پارینے کہ بازار اٹی خاخر لگنگ نا داواقعہ نا پورو جاچ ئِ ہلسا حکومت زہمی تا ہر وڑکمک ئِ کیک۔ اسلام آباد پولیس ئِ اسہ مثالی ئُ پولیس اس جوڑ کینہ و تعلقدار ایس ایچ او نا گچین تربیت ئِ کینہ، مچ آ ملک اکن اسلام آباد پولیس ئِ مثالی ئُ پولیس اس جوڑ کینہ۔ دسمبر اسکان اسلام آباد پولیس ئِ مثالی ئُ پولیس اسے ٹی بدل کننگک، پاکستان ڈیہہ ٹی آخبتی امن و ایمنی نا خواہندار ئِ ۔ داخیال آتا درشانی ئِ او خاخر آن زہمی ایچ نائن پشاور موڑ ہڑزان بازار اسلام آباد نا دورہ ٹی کرے ہراڑے او اسٹال زہمی تے حکومت نا کنڈآن یخین دہانی کرفینے۔ داوخت آ وزیرمملکت کیڈ ڈاکٹر طارق فضل چوہدری ، میئر اسلام آباد چیئرمین سی ڈی اے شیخ انصر عزیز، وزارت داخلہ ، سی ڈی اے و میئرو پولیٹن کمامدارآتون اوار بازار زہمی تا بھلو کچ اس ساڑی ہم ئس۔ داوخت آ بنجائی وزیر میڈیا تون ہیت وگپ کرسا پارے کہ بازار نا دورہ نا مسخت بیرہ معائنہ اف بلکن اونا مشاہدہ ئِ کروئی ئِ و وزیراعظم ئِ ہم اودانا رپورٹ ئِ ایترہ انتئے کہ بازار اٹی 600 خلقت نا روزگار خاخر نا گواچی مسنے۔ جاست وپاستی و جاچ کمیٹی 2 دے اٹی دانا رپورٹ ئِ پیش کیک۔ اوپارے کہ وزیراعظم آن سفارش کیوہ کہ زہمی تا امداد ئِ کننگے تانکہ داخلقت ولداآن تینا نت تیا سلر۔ اوپارے کہ دابھاز اندوناک ئُ واقعہ اس مسنے۔ اوپارے کہ سی ڈی اے ئِ پارت کرینن کہ غٹ اہم ہند و ماڑی تیٹی رکھی گام گیج بایدے پورو مرے۔ ہنداوڑ ایمرجنسی تون مون تننگ کن خاخر ئِ کسفنگ نا گڑاتا بلڈنگ نا تہٹی و کمرشل ہند آتیا ہم بست وبند بایدے مرے۔ اوپارے کہ سی ڈی اے ئِ پارت کرینن کہ سیفٹی نا خصوصی خیال ئِ تخنگے۔ وزیر داخلہ باوری ترفے کہ حکومت خاخر لگنگ نا داواقعہ نا پورو جاچ ئِ ہلسا زہمی تا ہر وڑ کمک ئِ کیک۔ اسہ سوج اسے نا ورندی ٹی وزیر داخلہ نا پاننگ ئس کہ ڈان لیکس نا معاملہ نا عسکری و سیاسی سروک آک اواری اٹ انکوائری کریر و ہڑتوم آ ادارہ غاک دادے ایسری انجام اسکان سرکریر۔ داوخت آ وزیر مملکت کیڈ ڈاکٹر طارق فضل چوہدری، چیئرمین سی ڈی اے شیخ انصر عزیز، وزارت داخلہ و میٹروپولیٹن کارپوریشن نا کمامدارآتون اوار اسٹالز ہولڈرآتا بھلو کچ اس ہم ساڑی ئسک۔
