اسلام آباد۔ 25 اگست (اے پی پی) چیئرمین سینیٹ اتوار بازار اٹی خاخر لگنگ و زہمی بندغ آتا جاچ ئِ ہلنگ کن چارباسک آتے اتوار بازار نا دورہ ئِ کننگ نا پارت کرینے۔ جمعہ نا دے ایوان بالا نا دیوان اٹی السی اہمیت نا معاملہ غا کلثوم پروین پارے کہ اتوار بازار اٹی خاخر لگنگ نا زہمیک بے سروپائُ، اوفتے کن ملک ریاض نا مار علی ریاض پڑو تو کرینے خبر چوخت داڑآعمل مریک؟ عئید قربان خڑک ئِ ، داخلقت نا کمک ئِ کننگے، اوفتادوکان آتے جوڑ کرسا تننگے، ہموڑے مش و بھس کاری آن بیدس ہچ اس سلتنے۔ اوفتے تون ہمدردی نا درشانی ئِ کننگے۔ چیئرمین سینیٹ پارے کہ سینیٹر طلحہ محمود، کلثوم پروین تون اوار چار سینیٹر اتوار بازار نا دورہ ئِ کرسا معلومدار کیر کہ سینیٹ دا چرجوئی ٹی انت کمک اس کننگ کیک ولدا دامعاملہ ئِ ہرینہ۔
