اسلام آباد ۔ 24 اگست (اے پی پی) پاکستان پیپلزپارٹی پارلیمنٹیرینز ئِ صدر آصف علی زرداری ئَ گوشت کہ فاٹا ئِ دیمروئی ئُُ فاٹا۔مالاکنڈ ئِ اُلسے جیڑھ ئِ گیش ئُُ گیواری پیپلز پارٹی ئِ اولی دلگوشی انت۔فاٹا ایجنسی ئِ اُلس ئَ ملک ئِ دیمپانی ئِ ھاترا مستریں قربانی داتگ انت ئُُ بیمکارآنی ھلاپ ئَ مزاحمت کتگ۔چار شمبے ئَ زرداری ہاﺅس اسلام آباد ئَ گوست بنجاہی وزیر لال خان ، اسد خان ئُُ اخونزادہ چٹان ئَ گوست صدرئَ گوں گند ئُُ نند کتگ۔ لال خان ئِ سروکی ئَ ڈل ئَ ھوار اعظم خان، فضل رحیم، عنایت اللہ ئُُ لیاقت خان ئَ پاکستان پیپلزپارٹی ئِ تہ ئَ ھوار بوھگ ئِ جار جتگ۔گوست صدر ئَ اعظم خان ئُُ دگہ مردمانی پیپلز پارٹی ئَ ھوار بوھگ ئِ سرا وش اتک کرتگ۔ اخونزادہ چٹان ئَ گوست صدر ئَ را فاٹا ئِ سیاسی جاورھال ئُُ پیپلز پارٹی ئِ تنظیم سازی ئِ باروا سرپدی داتگ۔آصف علی زرداری ئَ اخونزادہ چٹان ئَ را کڈن دات کہ آں گلے ئَ باز گہتر جوڈ کن انت ئُُ آووکیں گچینکاری ئَ پاکستان پیپلز پارٹی ئَ را سوبمند کنگ ئَ پہ شپ روچ کار کن انت۔(NAJ)
