اسلام آباد۔ 24 اگست (اے پی پی)ڈپٹی سپیکر راجی اسمبلی مرتضیٰ جاوید عباسی ئَ گوشت کہ اُلس ئَ را بنیاتی آسراتیی پُجارینگ ئُُ ملک ئَ دور ئُُ گستائیں دمگ آناں ملک ئِ دیمروئی کتگیں دمگ آنی ھم گام کنگ جمہوری حکومت ئِ اولی ترجی ئِ تہئَ ھوار اِنت اے مکسد ئِ در جنگ ئِ ھاترا انوگیں بجٹ ئِ تہ ئَ ٹوھیں کساس ئَ فنڈ گیشینتگ آں۔ آئی ئَ اے ھیالانی درشانی ضلع ئِ ایبٹ آباد ئِ یونین کونسل نملی میرا ئِ شرپ مندیں ٹولہ ئَ گوں تران کنان ئَ کت اَنت۔ ایشاں پنچ شمبے ئِ روچ ئَ پارلیمنٹ گس ئَ ڈپٹی سپیکر ئَ گوں گند ئُُ نند کتگ اَت۔ ڈپٹی سپیکر ئَ گوشت کہ گوستگیں 4سال آنی ساھت ئَ استیں حکومت ئِ جوانیں پالیشی آنی سبب ئَ ملک ناشرکاری ئِ کاروائی آنی تہ ئَ مزنیں کساس ئَ کمیگ اَتکگ ئُُ ملکی معشیت دیمروئی ئِ کشک ئَ راھ کپتگ۔ آئی ئَ گوشت کہ گوستگیں 4سال آنی تہ ئَ بُنجاھی حکومت ئِ نیمگ ئَ ہزارہ ڈویژن ئَ ہزارہ موٹرروے ایکسپریس وے ئِ وڑیں میگاپروجیکٹس ئِ بندات کہ ایش گڈی سرجمیں بھر آنی تہئَ اِنت ایشی ئَ ابید کوچگ آنی تہئَ بنیاتی آسراتی ئِ بازیں منصوبگ سرجم کتگ اَنت۔ ڈپٹی سپیکر ئَ این اے 18ئَ دیمروئی منصوبگ آنی بابت ئَ تران کنان ئَ گوشت کہ این اے 18ئَ بنیاتی آسراتی ئُُ سوئی گیس ئِ پُجاری ئِ ھاترا مزنیں فنڈ ئِ داتگ۔
