لائبریری پارلیمنٹ نا باسک آتا کچ اٹی ودکی نا گچین ئُ ذریعہ اسے
میاں رضاربانی نا سروکی ٹی سینیٹ اٹی جوان ئُ بدلی بسنے
اسلام آباد۔ 23 اگست (اے پی پی) سینیٹ اٹی قائد ایوان راجہ محمد ظفرالحق پارینے کہ لائبریری پارلیمنٹ نا باسک آتا کچ اٹی ودکی نا اسہ گچین ئُ ذریعہ اسے۔ پارلیمنٹ نا باسک آک دانا کمک اٹ تینا علمی کچ ئِ گچین جوڑ کننگ کیرہ۔ چارشنبے نادے پارلیمنٹ ہاﺅس اٹی پوسکن آ سینیٹ لائبریری نا بنائی دود آن تینا گونڈئُ تران اسے ٹی اوپارے کہ چیئرمین سینیٹ میاں رضاربانی نا سروکی ٹی سینیٹ اٹی قابل قدر، نمان و جوان ئُ بدلی اس بسنے و لائبریری نا اڈ تننگ ہم چیئرمین سینیٹ نا مدبرانہ سروکی نا درشان ئِ۔ اوپارے کہ لائبریری نا کمک اٹ پارلیمنٹ نا باسک آک تینا علمی کچ اٹی ودکی کننگ کیرہ۔
