پاک فضائیہ نا سروک ایئر چیف مارشل سہیل امان تون اردن نا جوائنٹ چیفس آف اسٹاف لیفٹیننٹ جنرل محمود اے فرحت نا اوڑدہی ، کسبی است خواہی نامعاملہ غاتیا خیال آتا درشانی ئِ کننگا

اسلام آباد۔ 23 اگست (اے پی پی) پاک فضائیہ نا سروک ایئر چیف مارشل سہیل امان تون اردن نا سلہہ بند فوج انا جوائنٹ چیفس آف اسٹاف لیفٹیننٹ جنرل محمود اے فرحت اوڑدہی کرے ہراٹی کسبی است خواہی نا معاملہ غاتیا خیال آتا درشانی ئِ کننگا۔ ترجمان پاک فضائیہ نا رداٹ اردن نا سلہہ بند فوج انا جوائنٹ چیفس آف اسٹاف لیفٹیننٹ جنرل محمود اے فرحت پاک فضائیہ نا ہیڈکوارٹرنا دورہ ئِ کرے ہراڑے پاک فضائیہ نا سروک ایئر چیف مارشل سہیل امان شرفمند آ مہمان ئِ بخیر کرے۔ پاک فضائیہ نا اسہ چاق و چوبند دستہ اس اودے سلامی پیش کرے۔ اوکان پد پرنسپل اسٹاف آفیسر آتا شرفمند آ مہمان تون درستی راستی ئِ کرفنگا۔ اوکان پد لیفٹیننٹ جنرل محمود اے فرحت پاک فضائیہ نا سروک ایئر چیف مارشل سہیل امان تون اونا آفس اٹی اوڑدہی کرے و کسبی است خواہی نا معاملہ غاتیا خیال آتا درشانی مس۔ اردن نا سلہہ بند فوج انا جوائنٹ چیفس آف اسٹاف دہشت گردی نا برخلاف آپریشن ضرب عضب اٹی پاک فضائیہ نا کلیدی کڑد انا ستائِ کرے۔ اوپاک فضائیہ نا بندغ آتا جوزہ وکسبی مہارت نا ہم ستائِ کرے۔