جدہ۔ 23 اگست (اے پی پی) وزیراعظم شاہد خاقان عباسی سعودی ولی عہد شہزادہ محمد بن سلمان السعود تون شون ہلوک آ علاقائی و جہانی جیو سٹریٹجک حالیت آتیا خیال آتا درشانی ئِ کیک۔ وزیر خارجہ خواجہ محمد آصف و وزیر خزانہ سینیٹر محمد اسحاق ڈار ہم اسہ دے ئی سرکاری دورہ غا وزیراعظم تون اوار ئُ۔ وزیراعظم سعودی راہشون تون ہڑتوم آ کنڈآتا تعلقداری تا گیشتر معاملہ غاتا ہم جاچ ئِ ہلیک۔ دفترخارجہ نا کنڈآن جاری بیان نارداٹ ہڑتوم آ راہشونک تین پہ تینی است خواہی نا معاملہ غاتیا ہم ہیت وگپ کیرہ۔ داکان مست جدہ غا بننگ آ نائب گورنر مکہ شہزادہ عبداللہ بن عبدالعزیز وزیراعظم ئِ بخیر کرے۔ وزارت عظمیٰ نا منصب ئِ سنبھالنگ آن پد شاہد خاقان عباسی نا دا اولیکو سرکاری پیشن نا دورہ ئِ۔ وزیراعظم شاہد خاقان عباسی نائب خادم الحرمین الشریفین و ولی عہد شہزادہ محمد بن سلمان السعود تون اوڑدہی آن بیدس روضہ رسولﷺ آ ہم حاضری ایتک۔ دفترخارجہ نا رداٹ شاہ سلمان بن عبدالعزیز السعود داوخت آ نجی دورہ غا ملک آن پیشن ئِ۔ بیان اٹی پاننگانے کہ وزیراعظم نا دورہ اِرا اہم اسلامی ملک آتا نیام اٹ ایلمی و گرم جوشی آ مبنی تعلقداری تا عکاس ئِ۔ دادورہ پاکستانی سروک نا کنڈآن پاکستان نا خڑکی و آزموندہ سنگت سعودی عرب تون پدریسہ دورہ غاتا روایت نا رداٹ ئِ، ساڑی ہی ٹی ہڑتوم آ کنڈآتیان سروک آتا کہول آ کیہی دورہ غاتا ہن و بر مسنے۔

متعلقہ مضامینمصنف کی طرف سے مزید