اسلام آباد۔23اگست( اے پی پی) تہی کارانی وزیر احسن اقبال ئَ نادرا میگا سینٹر ئِ ترءُ تاب ئِ تہا شہرآں چہ گندءُ نند کتگءُ آھاں چہ نادراھ ئِ نیمگئَ چہ داتگیں آسراتی ئِ ھوالگئَ معلوم داری زُرتگ۔ چارشمبے ئِ روچئَ بلیو ایریا ئَ نادرا میگا سینٹر ئِ ترءُ تابئِ وھدئَ تہی کارانی وزیر باز یں کاﺅنٹرءُ بوتھ ئِ سرئَ شتگءُ راجی پجّار کاٹ ءُ ب فارم جوڈ کنگئَ ھوار بازیں کاراں چہ اَتکگیں شہرآں چہ معلوم داری زُرتگ کہ نادرا ئِ ازمتئِ سرئَ سدّک اَنت۔ یک شہری ئَ تہی کارانی وزیر ئَ را وتی ھاندانئِ بلاک پجّار کاٹ ئِ جیڑھئِ ھوالگئَ سرپد کتگ۔ تہی کارانی وزیر ئَ 77سالی زالبول ئِ کاٹ بلاک بوھگئِ سرئَ نادرا حکام ئَ را لوٹ اِتگ ءُ ہدایت کتگ کہ ھال دیئگ بہ بیت کہ یک 77سالی زالبول ئِ کاٹ بند بوھگئِ سوب بے بوت کنت۔ سینٹر ئَ ترءُ تاب ئِ وھدئَ یک شہریے ئَ اے گلہ کتگ کہ نادرا حکام ئِ نیمگئَ چہ بار بارچکر جنائنگ بیت کہ ایشی ئِ سرئَ تہی کارانی وزیر ءَ ہدایت کتگ کہ اے وڈ کنگ مہ بیت ءُ انچیں نظامے دیمئَ آرگ بہ بیت کہ شہرآناں بار بار آھگ مہ لوٹ ایت۔
