اسلام آباد۔ 22اگست (اے پی پی) سیکرٹری خارجہ تہمینہ جنجوعہ ئِ سیکرٹری قومی سلامتی ڈویژن نا عہدہ نا ودکی چارج ئِ تننگا۔ سے شنبے نادے اسٹیبلشمنٹ ڈویژن نا کنڈآن جاری نوٹیفکیشن نا رداٹ تہمینہ جنجوعہ ئِ تینا زمواری تیان بیدس عامر اشرف خواجہ نا رخصتی مد اٹی سیکرٹری قومی سلامتی ڈویژن نا ودکی زمواری ہم تننگانے۔ ساڑی ہی ٹی تعینات ایڈیشنل سیکرٹری (انچارج ) نیشنل سیکورٹی ڈویژن پاکستان ایڈمنسٹریٹو سروس نا بنداوی اسکیل 21 نا آفیسر عامر اشرف خواجہ 12 اگست آن 30 اگست اسکان چھٹی آ ہنانے ۔ داکان بیدس اسٹیبلشمنٹ ڈویژن نا نوٹیفکیشن نا رداٹ پاکستان انتظامی سروس نا بنداوی اسکیل 20 انا آفیسر محمد حمیر کریم پی ایم آفس (پبلک) اٹی جوائنٹ سیکرٹری نا عہدہ نا چارج آن دستبردار مسنے۔ ہنداوڑ کامرس و ٹریڈ گروپ نا بنداوی اسکیل 20 انا آفیسر راحیلہ تاجور ہم وزارت واپار اٹی جوائنٹ سیکرٹری نا عہدہ نا چارج آن دستبردار مسنے۔ او ڈیپوٹیشن آ پبلک سروس کمیشن اٹی ڈائریکٹر نا حیثیت اٹ پوسکن آ زمواری ئِ سنبھالک۔
