سپیکر  راجی اسمبلی سردار ایاز صادق  ءَ وتی  ایرانی ھمکار ڈاکٹر  محمد  باقر  قالیباف ءَ گوں گند ءُ نند کت، دو نیمگی  پارلیمانی  یکوئی آناں گیش برجم  کنگ ءِ سر ءَ تپاک

جنیوا۔31جولائی  (اے پی پی):سپیکر  راجی  اسمبلی  سرداسر ایاز صادق   ءَ وتی ایرانی ھمکار   ڈاکٹر محمد باقر قالیباف ءَ گوں گند ءُ نند کت۔ گند  ءُ نند ءَ جنیوا  ءَ بوھوکیں  ششمی  میاں اوستمانی اسپیکر کانفرنس ءِ سائیڈ لائن  ءِ سر ءَ بوت۔ سپیکر ءَ  گپ ءُ تران ءَ گوشت کہ پاکستان ءُ ایران ءِ نیام ءَ تاریخی  براتی ءُ  دوستی     است انت ۔ دوئیں سپیکرز آں دو نیمگی پارلیمانی یکوئی آناں  گیش برجم  کنگ ءِ سر ءَ  تپاک  کت۔ سردار ایاز  صادق   ءَ گوشتگ کہ پاکستان ایران ءِ وت  مستری   ءُ سالمیت  ءِ جوانیں  کمک  کنت۔   رودراتکی نیامجی  ءَ مھکمیں  ایمن ایں پڑ ءِ دیمروئی   ءُ وشھالی  ءِ واستہ المی انت۔  ایران   ءِ سر ءَ اسرائیلی  ارش آنی میاں اوستمانی کانود آنی  لگت مالی انت۔  ایشی ءِ  ایمنیں  گیواری لوٹ  ائیت۔ پاکستان  ایران  ءِ  ایٹمی   پروگرام  آناں سول  ءُ  تران  ءِ واستہ گیواری لوٹ ائیت۔ پاکستان ءِ  پارلیمان   ءَ ایران ءِ  اسرائیلی   کشاں چیل ءُ لگت  مالی   ءِ    ھلاپ ءَ تپاک نامہ  ءِ منظور  کت۔ ایران    ءِ اسپیکر  ڈاکٹر  محمد باقر قالیباف ءَ  ایران ءِ اسرائیلی  کشاں چیل ءِ ھلاپ ءَ پاکستان ءِ نیمگ ءَ کمک آنی  پد ءَ شگر ءُ منت  واری  گپت ءُ گوشت کہ ایران ءُ  پاکستان ءِ نیام ءَ  مھکمیں براتی ءُ  یکوئی است انت۔  ایران   پاکستان  ءِ گوما  وتی براتی  ءُ  یکوئی آناں شرپ ءِ نگاہ  ءَ چار ائیت۔  پاکستان ءِ پارلیمان ءُ الس ءِ نیمگ ءَ  کمک آناں  ایرانی  الس آناں مدام  یات  کناں۔