راجی اسمبلی ءِ اسپیکر سردار ایاز صادق ءَ ترکی ءِ مزنیں راجی اسمبلی ءِ اسپیکر پروفیسر ڈاکٹر نعمان کرتلموس ءَ گوں گند ءُ نند کتگ

جنیوا۔30جولائی  (اے پی پی):راجی اسمبلی ءِ اسپیکر سردار ایاز صادق ءَ ترکی ءِ گرینڈ راجی اسمبلی ءِ اسپیکر پروفیسر ڈاکٹر نعمان کرتلموس ءَ گوں گند ءُ نند کت۔ راجی اسمبلی ءِ سیکرٹریٹ ءِ رد ءَ اے گند ءُ نند ششمی ورلڈ اسپیکر کانفرنس ءِ ساھت ءَ جنیوا ءَ بوتگ۔ گند ءُ نند ءَ پاکستان ءُ ترکی ءِ مثالی براتی سیادیانی بابت ءَ گپ ءُ تران کنگ بوت۔ سردار ایاز صادق ءَ گوشت کہ دوئیں ملک آنی نیام ءَ سیادی وت مہ وتی دل یکیمی راجدپتر ءُ نپ آنی بنیات ءَ انت۔ دوئیں بامرد آں تجارت، دفاع، ٹیکنالوجی ءُ دود ءُ ربیدگی تبادلہ ءِ شوبگ ءَ کمک ءَ را دیمروئی دیگ ءِ سر ءَ زور پر دات۔ اسپیکر سردار ایاز ءَ گوشت کہ قدرتی آفت ءِ وھد ءَ دوئیں ملک آنی وت مہ وتی کمک دیریں دوستی ءِ ثبوت انت۔ اسپیکر راجی اسمبلی ءَ ترکی ءِ الس ءُ سروکی ءِ واستہ پاکستانی پارلیمنٹ ءُ الس ءِ نیکیں واھگ آنی درشان کت ءُ گوشت کہ پارلیمانی سفارتکاری دو نیمگی سیادی ءَ را دیمروئی دیگ ءِ یک ھاسیں وسیلہ یے ۔ گند ءُ نند ءِ ساھت ءَ دوئیں اسپیکر آنی نیام ءَ ھاسیں دمگی ءُ جھان ءِ جیڈھ آنی سر ءَ ھم ھیال ریچی کنگ بوت۔ سردار ایاز صادق ءَ گوشت کہ فلسطین ءُ مقبوضہ جموں کشمیر ءِ مظلوم الس ءِ حق ءَ ترکی ءِ اصولی موقف ستا کرز انت۔