وفاقی وزیر اورنگزیب خان کھچی  ءَ آر سی سی آئی ہیلتھ ایکسپو ءِ تر ءُ تاب کتگ، فارما انڈسٹری ءِ صلاحیت آنی ستا کرتگ

اسلام آباد۔30جولائی  (اے پی پی):راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی  ءَ راولپنڈی چیمبر آف کامرس اینڈ انڈسٹری ءِ نیمگ ءَ پاک چین ءِ دوستی ءِ مرکز اسلام آباد ءَ برجم داشتگیں میڈ ہیلتھ ایکسپو ءُ سمٹ ءِ تر ءُ تاب کتگ۔ وفاقی وزیر ءَ جتا جتائیں اسٹال آنی چار ءُ تپاسی کت ءُ دواسازی ءُ طبی شوبگ ءَ گوں سیادی داروکیں پروڈکٹ آناں ساڑات۔ آئی ءَ تجارتی کاروائی ءُ ھاسیں رنگ ءَ جان سلامتی ءُ فارما ءِ شوبگ ءَ را دیمروئی دیگ ءِ تہ ءَ آر سی سی آئی ءِ ھاسیں کرد ءِ ساڑات۔ اے موہ ءِ سر ءَ آر سی سی آئی ءِ صدر عثمان شوکت، سینئر نائب صدر خالد فاروق قاضی، نائب صدر فہد برلاس ءُ ایگزیکٹو باسک آں گوں جوش ءُ جزبگ ءَ وزیر ءِ وش اتک کت۔ میڈیا ءَ گوں تران کنان ءَ وفاقی وزیر ءَ آر سی سی آئی ءَ را سوبمندیں نمائش ءِ برجائی ءِ سرا مبارکی دات ءُ گوشت کہ پاکستانی کمپنی وتی محنت ءَ گوں دیمروئی ءِ راہ ءَ روگ ءَ انت ءُ میاں اوستمانی تک ءَ منگ بوھگ ءَ انت۔ آئی ءَ گوشت کہ حکومت فارما انڈسٹری ءَ را جھان ءِ معیار ءِ رد ءَ دیمروئی دیگ ءِ واستہ ھمک رنگ ءِ گامگیج کنگ ءَ انت۔ آیوکیں لھتیں سال آنی تہ ءَ پاکستان ءِ صنعت دگنیا ءِ سروکی ءَ کنت ءُ سرکار ءِ منصوبگ آناں چہ الس ءَ را سرجمیں نپ رس ایت۔ آئی ءَ گوشت کہ دو روچی ہیلتھ ایکسپو ءَ حکومتی نمائندگ، درملکی سفیر ءُ صنعت ءِ پیشہ ور آنی مزنیں کساس ءَ بھر زوری کت۔ اے ایکسپو ءِ مول ءُ مراد پاکستان ءِ جان سلامتی ءُ دوا ءُ درمان ءِ شوبگ ءِ برآمداتی توانائی ءِ ارزشت ءِ چار ءُ تپاسی کنگ ءُ دیم ءَ اتکگیں جیڈھ آناں پدر کنگ اِنت۔ اے موہ ءِ سر ءَ گشتانک دیان ءَ آر سی سی آئی ءِ صدر عثمان شوکت ءَ گوشت کہ پاکستان دوائی ءِ چیز آنی جوڑ کنگ ءِ تہ ءَ ماہر اِنت ایشی ءِ تہ ءَ ھنرمندیں کار ءِ دست کپ ایت۔ پاکستان ھما ملک اِنت کہ کوالٹی ءُ کم ھرچیں دوائی جوڑ کنت کہ جھان ءِ بازار ءِ دیم ءَ دلکش اِنت۔ البت آئی ءَ ریگولیٹری رکاوٹ، پٹ ءُ پول ءُ دیمروئی ءِ کمی ءُ شدیدیں جھان ءِ مقابلہ ءَ را مزنیں چیلنج لیک اتگ۔