گورنر اسٹیٹ بینک جمیل احمد ءِ پریس کانفرنس ءَ مالیاتی پالیشی کمیٹی ءَ 11 درسد سود ءِ شرح ءَ برجاہ دارگ ءِ پیسلہ کتگ

اسلام آباد۔30جولائی  (اے پی پی):گورنر اسٹیٹ بینک جمیل احمد ءَ گوشت کہ مالیاتی پالیشی کمیٹی ءَ سود ءِ شرح 11درسد ءَ برجاہ دارگ ءِ پیسلہ کتگ۔ گوستگیں مالی سال ءَ مئے افراط زر ءِ شرح 4.5درسد بوتگ کہ حکومت ءُ اسٹیٹ بینک ءِ نیمگ ءَ چہ ٹھینگ بوتگیں ٹارگٹ ءَ چہ کمو کم بوتگ۔ چار شمبے ءِ روچ ءَ مانیٹری پالیسی کمیٹی ءِ دیوان ءَ پد پریس کانفرنس ءَ گوں گشتانک دیان ءَ آئی ءَ گوشت کہ گوستگیں مالی سال ءَ کرنٹ اکاؤنٹ سرپلس ءِ سبب زرّ دیم دیگ ءِ تہ ءَ گیشی بوتگ۔ آئی ءَ گوشت کہ 2022 ءَ کرنٹ اکاؤنٹ ءِ خسارہ جی ڈی پی ءِ 4.7درسد بوتگ۔ مئے گامگیج آنی آسر ءَ 2023 ءَ جی ڈی پی ءِ نزیک ءَ یک درسد ءَ اتکگ 2024 ءَ کرنٹ اکاؤنٹ ءِ خسارہ جی ڈی پی ءِ نزیک ءَ نیم درسد بوتگ۔ ءُ گوستگیں مالی سال ءَ مئے کرنٹ اکاؤنٹ خسارہ ءِ بدل ءَ سرپلس ءَ آسر بوتگ۔ آئی ءَ گوشت کہ کرنٹ اکاؤنٹ 14سال ءَ پد سرپلس ءِ تہ ءَ بدل بوتگ، گوستگیں 22سال آنی تہ ءَ اے گیشیں سرپلس اِنت۔ ایشی ءِ سبب ءَ مئے درائیں اکاؤنٹس ءِ تہ ءَ استحکام بوتگ ءُ اسٹیٹ بینک انٹر بینک مارکیٹ ءَ سرگرم بوتگ ءُ درملکی زرّ ءِ ذخائر ءِ سر ءَ جوانیں اثر بوتگ۔ آئی ءَ گوشت کہ گوستگیں سال ءَ ما سرجمیں وام ءِ ادائیگی وھد ءِ سر ءَ کتگ، ایشی ءِ باوجود مئے درملکی زرّ ءِ ذخیرہ گیش بوتگ کہ گوستگیں سال ءَ 9.4ارب ڈالر ءَ چہ اے سال ءَ 14.5ارب ڈالر ءَ سر بوتگ ءُ یک سالے ءِ تہ ءَ ایشی ءِ تہ ءَ 5ارب ڈالر ءِ کساس ءَ گیشی بوتگ۔ اسٹیٹ بینک ءِ گورنر ءَ گشتگ کہ گوستگیں سال ءَ مارا 26ارب ڈالر ءَ چہ گیش زرّ دیگ بوتگ ات کہ ایشی ءِ تہا یک مزنیں کساسے ءَ تاخیر بوتگ ات، پدا ہم ما نزیک ءَ 10ارب ڈالر ءِ زرّ داتگ انت بلے اے درستیں چیزانی باوجود مئے ذخیرہ 5ارب ڈالر گیش بوتگ انت ءُ ایشی ءَ مئے کرنٹ اکاؤنٹ ءِ سرا جوانیں اثر جتگ۔ آئی ءَ گوشت کہ گوستگیں مالی سال ءَ کشت ءُ کشاری شوبگ ءِ تہ ءَ دیمروئی 0.6درسد ءِ تہ ءَ مزنیں کساسے ءَ کم بوتگ، رواں مالی سال ءَ کشت ءُ کشاری شوبگ ءِ گہتری ءِ سبب ءَ دیمروئی ءَ گیشی بیت، کرنٹ اکاؤنٹ ءِ خسارہ راجی پیداوار ءِ تہ ءَ صفر ءَ چہ یکدرسد ءَ چہ گہتری بیت، کشت ءُ کشاری شوبگ ءِ تہ ءَ گہتری ءِ سبب ءَ گہتری کیت۔ آئی ءَ گوشت کہ وام آنی پچ گرگ ءِ وھد گیش بوتگ، مئے زرّ ءِ ذخیرہ گیش بوھگ ءَ انت ءُ وام سلامت انت، ریٹنگ ایجنسی آنی نیمگ ءَ مئے درجہ بندی گیش بوتگ ۔ مالیاتی پالیشی کمیٹی ءَ چار شمبے ءِ روچ ءَ وتی دیوان ءَ پالیسی ءِ شرح ءَ را 11درسد برجائی ءِ پیسلہ کتگ۔ کمیٹی ءَ اے گپ ءِ سر ءَ دلگوش گور کت کہ جون 2025 ءَ افراط زر ءِ شرح سال ءِ سر ءَ 3.2درسد ءَ کم بوتگ کہ ایشی ءِ مستریں سبب وردن ءُ وراک ءِ نرخ آنی تہ ءَ کمی بوتگ وھدیکہ افراط زر ءَ ھم چیزے کمی بوتگ۔ بلے کمیٹی ءَ اے گپ ءِ سر ءَ دلگوش گور کت کہ توان ءِ نرخ آنی تہ ءَ ھاسیں رنگ ءَ گیس ءِ نرخ آنی تہ ءَ چہ متوقع ءَ چہ گیش اتار چڑھاؤ ءِ سبب ءَ افراط زر ءِ دیمروئی ءِ تہ ءَ کمی اتکگ۔ البت آیوکیں وھد ءَ افراط زر ءِ ٹارگٹ رینج ءِ تہ ءَ استحکام ءِ گمان اِنت۔ ایشی ءَ ابید اقتصادی سرگرمی ءِ تہ ءَ گیشی بوھگ ءَ اِنت وھدے کہ پیسریگیں پالیسی ءِ شرح ءِ کمی ءِ اثر انگت ءَ گندگ بوھگ ءَ اِنت۔ دومی نیمگ ءَ کمیٹی ءَ امیت کتگ کہ مالی سال 26 ءَ تجارتی خسارہ ءِ تہ ءَ گیشی ءِ سبب ءَ اقتصادی سرگرمی ءِ تہ ءَ گیشی ءُ جھان ءِ تجارتی تہ ءَ کمی ءِ سبب ءَ بوتگ۔ اے میکرو اکنامک منظر نامہ ءُ پیداکیں خطرات ءِ رد ءَ مالیاتی پالیشی کمیٹی ءَ مرچیگیں پیسلہ ءَ را قیمتانی استحکام ءَ را دل یکیمی کنگ ءِ ھاتر ءَ المی لیک اتگ۔ کمیٹی ءَ وتی گوستگیں دیوان ءَ چہ رند ءِ رد ءَ دیمروئی ءِ سرا چمشانک داتگ۔ اولی ایش کہ اسٹیٹ بینک آف پاکستان ءِ زرّ ءِ ذخیرہ ءِ تہ ءَ گہتری ءُ کرنٹ اکاؤنٹ سرپلس ءِ پد ءَ 14ارب ڈالر ءَ چہ گیش بوتگ۔ دومی پاکستان ءِ وت واجہیں کریڈٹ ریٹنگ ءِ تہ ءَ انوگیں گہتری ءِ سبب ءَ یوروبانڈ ءِ پیداوار ءَ کمی اتکگ ءُ میاں اوستمانی مارکیٹ آنی تہ ءَ سی ڈی ایس ءِ اسپریڈ ءِ تہ ءَ کمی اتکگ۔ سوئم، انوگیں سروے ءِ تہا صارفین ءَ مہنگائی ءِ توقعات ءَ کمو گیشی ءِ درشانی کتگ وھدے کہ کاروباری ادارہاں مہنگائی ءِ کمی ءِ توقع کتگ۔ چارمی ایش کہ مالی سال 25 ءَ ایف بی آر ءِ ٹیکس ءِ جم کنگ 11.7 ٹریلین کلدار بوتگ کہ اے چہ ترمیم کتگیں تخمینہ ءَ چہ 200ارب کلدار ءِ کساس ءَ کم اِنت۔گُڈسر ءَ تیل ءِ جھان ءِ نرخ ھراب بوتگ اَنت ءُ دھات ءِ نرخ گیش بوتگ اَنت۔ ھمے وھد ءَ جھان ءِ تجارتی ٹیرف ءِ اثر بے وسی ءِ سبب ءَ مرکزی بینک آناں محتاط مالیاتی پالیشی ءِ موقف ءِ برجاہ دارگ ءِ ھاترا دلبڈی داتگ۔ اے دیمروئی ءُ ممکنہ خطرات ءِ رژنائی ءَ کمیٹی ءَ اے اندازہ جتگ کہ 5-7درسد ٹارگٹ رینج ءِ تہا افراط زر ءِ استحکام ءِ ھاتر ءَ حقیقی پالیسی ءِ شرح ءَ را مناسب مثبت رہگ لوٹیت۔ کمیٹی ءَ اقتصادی استحکام ءِ برجائی ءِ واستہ محتاط مالیاتی ءُ مالیاتی پالیشی ءِ مکس ءِ برجائی ءِ ضلورت ءِ سر ءَ زور پر دات۔ کمیٹی ءَ وتی اے ھیال ءِ ھم پدا پدر کت کہ ڈھانچہ ءِ اصلاحات ءِ ھست نہ بوھگ ءَ برجمیں مزنیں دیمروئی ءِ ھاترا مشکل بیت۔ حالی بارش آنی سبب ءَ آپ ءِ دستیابی ءِ گہتری ءَ چہ پیسریگیں توقعات ءِ مقابلہ ءَ کلیدی فصل آنی امکانات ءَ را چیزے گہتری اتکگ۔ شے پیداوار ءِ شوبگ آنی واستہ گہتریں آسراتی آنی سبب ءَ سروسز ءِ شوبگ ءِ سر ءَ ھم جوانیں اثر کپ ایت۔ مالیاتی جاور ھال آنی گہتری، کاروباری جذبات ءِ جوانیں ءُ کم کم ءَ میکرو اکنامک جاور ھال آناں مھکم کنگ ءِ پُشت ءَ اے سال ءَ حقیقی جی ڈی پی ءِ تہ ءَ گیشی 3.25-4.25درسد ءَ سر بوھگ ءِ گمان اِنت، ایشی ءِ مقابلہ ءَ مالی سال 25 ءَ پیسریگیں عبوری تخمینہ 2.7درسد بوتگ۔ کرنٹ اکاؤنٹ ءَ جون ءَ 328 ملین ڈالر ءِ سرپلس ءِ بدل کتگ ءُ مالی سال 25 ءَ سرجمیں سرپلس 2.1 ارب ڈالر (جی ڈی پی ءِ 0.5 درسد) ءَ سر بوتگ۔ کارگرانی حوالہ جات ءِ ھاتر ءَ ھاسیں ارزشت ھست ات، پرچا کہ آ چہ گیش بوھوکیں تجارتی خسارہ ءَ گیش ءُ گیوار کن انت۔ مالی کمک ءِ محاذ ءِ سرا جون ءَ سرکاری زرّ ءِ اندازہ ءِ مزنیں بہرے رستگ ات کہ ایشی ءَ چہ اسٹیٹ بینک ءِ زرّ ءِ ذخائر 14ارب ڈالر ءَ چہ گیش بوتگ ات۔ مالی سال 26 ءِ تہ ءَ کرنٹ اکاؤنٹ ءِ خسارہ جی ڈی پی ءِ صفر ءَ چہ یک درسد ءِ تہ ءَ بوھگ ءِ گمان اِنت۔ مالی کمک ءِ رد ءَ ملک ءِ کریڈٹ ریٹنگ ءِ تہ ءَ انوگیں گہتری ءَ پد نجی آمد ءِ تہ ءَ گہتری ءِ امکان اِنت۔ اے تجزیہ ءِ بنیاد ءَ اسٹیٹ بینک ءِ زرّ ءِ ذخائر دسمبر 2025 ءِ گڈ ءَ تاں 15.5ارب ڈالر ءَ گیش بوھگ ءِ امکان اِنت۔حکومت ءِ ترمیم کتگیں تخمینہ مالی سال 25 ءِ واستہ مالیاتی پوزیشن ءَ گہتری ءِ نشاندہی کن اَنت، ایشی ءِ تہ ءَ بنجاہی ءُ سرجمیں مالیاتی بیلنس (جی ڈی پی ءِ درسد ءِ رد ءَ) ءِ رد ءَ ٹارگٹ ءِ تہ ءَ گہتری ءِ نشانی اِنت۔ اے گہتریں کارکردگی ٹیکس ءُ غیر ٹیکس ءِ آمدنی ءِ تہا مزنیں گیشی ءِ سبب ءَ بوتگ۔ بلے 26درسد ءِ نزیک ءَ گیشی ءِ رسگ ءَ ابید ایف بی آر ءِ ترمیم کتگیں آمدنی ءِ ٹارگٹ ءَ را کسانیں مارجن ءِ وسیلگ ءَ سرجم کنگ نہ بوتگ۔ مالی سال 26ءَ حکومت ءِ ارادہ انت کہ آ جی ڈی پی ءِ 2.4درسد ءِ بنجاہی سرپلس ٹارگٹ ءِ گوما گیش مالیاتی یکجا کنگ ءَ را دیم ءَ برگ ءَ انت۔ اے ٹارگٹ ءِ سرجم کنگ ءِ ھاتر ءَ آمدنی ءِ یکجاھیں کوشست ءُ ھرچ ءُ درچ ءِ کمی ءِ سر ءَ بندوک بیت۔ کمیٹی ءَ گوستگیں دو سال آنی تہ ءَ رستگیں سرجمیں اقتصادی سوبمندی آناں برجائی ءِ واستہ مالیاتی یکجا کنگ ءِ برجائی ءِ سر ءَ ھم زور پر دات۔ 7۔براڈ منی (ایم ٹو) ءِ دیمروئی 11جولائی ءَ سال ءِ سر ءَ سال 14.0درسد ءَ سر بوتگ کہ گوستگیں ایم پی سی ءِ دیوان ءِ وھد ءَ 12.6درسد بوتگ۔ اے گپ ءِ مستریں سبب بینکنگ سسٹم ءِ خالص درملکی اثاثہ (این ایف اے) ءِ تہ ءَ گیشی بوتگ کہ ایشی ءَ را درملکی زرّ ءِ ذخائر ءِ تہ ءَ گیشی ءَ چہ توانمند بوتگ۔ ھمے وھد ءَ نجی شعبہ ءِ کریڈٹ ءِ تہ ءَ ھم سال ءِ سر ءَ سال 12.8درسد ءِ تہ ءَ تیزی اتکگ کہ ایشی ءِ کمک ءَ مالیاتی جاور ھال آناں آسان کنگ ءُ اقتصادی سرگرمی ءَ را گہتر کنگ بوتگ۔ خاص طور ءِ سرا کریڈٹ ءِ دیمروئی ءِ بنیاد ءَ وسیع بوتگ، ایشی ءِ تہا ورکنگ کیپیٹل لون، فکسڈ انویسٹمنٹ لون ءُ صارفین ءِ کریڈٹ ءِ تہا گیشی بوتگ۔ مزنیں کریڈیٹر شعبہ آں ٹیکسٹائل، ٹیلی کمیونیکیشن، ءُ تھوک ءُ خوردہ تجارت ھوار ات۔ دومی نیمگ ءَ جون ءَ کمی اتکگیں کرنسی ءُ ڈپازٹ ءِ شرح جولائی ءَ پدا دیم ءَ اتکگ۔ ایشی ءِ آسر ءَ اسٹیٹ بینک ءَ را لیکویڈیٹی انجکشن ءَ را گیش کنگ بوتگ تانکہ انٹر بینک ءِ شپ ءِ ریپو ریٹ ءَ را پالیسی ءِ شرح ءِ رد ءَ بہ دار ایت ایشی ءَ چہ سیف ہیونز ءِ دیمروئی ءَ گیشی بوتگ۔ جون 2025ءَ مہنگائی سالانہ 3.2درسد ریکارڈ کنگ بوتگ کہ مئی ءَ 3.5درسد بوتگ۔ اے کمی ءِ مستریں سبب کھان ءِ نرخانی تہ ءَ اعتدال پسندی ءُ کور افراط زر ءِ تہ ءَ کمیں کمی اِنت کہ 7.6 درسد بوتگ۔ ایشی ءَ ابید موٹر ایندھن ءُ بجلی ءِ نرخ آنی تہ ءَ گیشی ءِ باوجود توانائی ءِ نرخ سال ءِ سر ءَ سال ءِ بنیاد ءَ کم بوتگ اَنت۔ دیم ءَ روگ ءَ گیس ءِ نرخ آنی تہ ءَ مزنیں گیشی ، بجلی ءِ نرخ آنی تہ ءَ عارضی کمی ءِ آسر (مالی سال 25 ءِ چارمی سہ ماہی ءَ چہ) ءُ موٹر ایندھن ءِ نرخ آنی تہ ءَ انوگیں گیشی ءِ سبب ءَ توانائی ءِ مہنگائی ءِ تہ ءَ انوگیں تک ءَ چہ گیشی ءِ گمان اِنت۔ مالیاتی پالیشی کمیٹی ءَ اے گپ ءِ سرا چمشانک داتگ کہ مالی سال 26 ءِ گیشتریں بھر ءَ افراط زر 5 ءُ 7درسد ءِ نیام ءَ مانیت، اگاں چہ اے لہتیں ماہ ءَ چہ وتی بُرزیں حد ءَ چہ گیش بوت کنت۔ مالیاتی پالیشی کمیٹی ءَ اے گپ ءِ سر ءَ زور پر دات کہ بُرز ءِ منظر نامہ ءَ را بازیں ھترہ آنی دیم ءَ انت، ایشی ءِ تہ ءَ جھان ءِ سامان آنی نرخ ءُ تجارتی رجحان آنی تہ ءَ بے وسی، سرکاری توانائی ءِ نرخ آنی تہ ءَ غیر متوقع بدلی ءُ مزنیں کچے ءَ سیلاب ءِ امکان ھوار انت۔