انسانی حقانی وفاقی وزیر سینیٹر اعظم نذیر تارڑ ءَ آسٹریلیا ءِ ہائی کمشنر نیل ہاکنز ءَ گوں گند ءُ نند کتگ، انسانی حقانی دیمروئی ءُ رکھینگ ءِ ھاتر ءَ جاری دو نیمگی کمک ءِ بابت ءَ گپ ءُ تران

اسلام آباد۔30جولائی  (اے پی پی):انسانی حقانی وفاقی وزیر سینیٹر اعظم نذیر تارڑ ءَ پاکستان ءِ واستہ آسٹریلیا ءِ ہائی کمشنر نیل ہاکنز ءَ گوں گند ءُ نند کت۔ گند ءُ نند ءَ پاکستان ءَ انسانی ھک آنی سہراگ ءُ رکھینگ ءِ واستہ جاری دو نیمگی کمک ءِ سر ءَ ھیال ریچی کنگ بوت۔ چار شمبے ءِ روچ ءَ وزارت انسانی حقانی نیمگ ءَ چہ جاڑی بوتگیں پریس ریلیز ءِ رد ءَ اے موہ ءِ سر ءَ وزارت انسانی حقانی سیکرٹری عبدالخالق شیخ ھم ھوار بوتگ۔ گند ءُ نند ءِ تہ ءَ دوئیں نیمگ ءَ انسانی ھک آنی پھجاری ءُ دیمروئی ءِ واستہ دو نیمگی کمک ءَ را گیش مھکم کنگ ءُ ھک آنی سر ءَ بنیات ءِ سر ءَ ھواریں حکومت داری ءِ جوانیں جھان ءِ تجربگ آناں مھکم کنگ ءِ سر ءَ زور پر دات۔ ہائی کمشنر ءَ انسانی ھک آنی کانود، پالیشی ءُ ادارگی اصلاحات ءِ تہ ءَ پاکستان ءِ نوکیں پیشرفت ءَ را ساڑات۔ آئی ءَ نزور ءُ محرومیں ٹک آنی ھک آنی رکھینگ ءِ واستہ پاکستان حکومت ءِ کوشست آناں ستا کرز اِت۔ وفاقی وزیر ءَ ہائی کمشنر ءَ را وش اتک کت ءُ توامیں تک آنی واستہ انسانی حق آنی سرجمیں رکھینگ ءِ واستہ پاکستان ءِ عزم ءِ سر ءَ زور پر دات۔ آئی ءَ وزارت ءِ کلیدی گامگیج آنی بابت ءَ سرپدی دات ءُ گوشت کہ انسانی ھک آنی واستہ راجی ایکشن پلان ءِ سر ءَ عمل کنگ ءِ کار برجاہ اِنت، ایشی ءِ تہ ءَ شش اسٹریٹجک پڑ آنی تہ ءَ کانود ءِ اصلاحات، انصاف ءِ دسترس، ادارگ آنی مھکم کنگ ءُ میاں اوستمانی معاہدہ آنی سر ءَ عمل کنگ ھوار اِنت۔ وزیر حقوق انسانی ءَ انوگیں قانون ساز ءُ ڈھانچہ ءِ اصلاحات ءِ بابت ءَ ھم سرپدی دات۔ اے رد ءَ موت ءِ سزا ءِ سر ءَ پیشرفت ھوار اِنت ، ایشی ءِ تہ ءَ سینیٹ ءِ نیمگ ءَ انوگیں منظور کتگیں ترمیم ھم ھوار اَنت کہ ایشی ءَ لہتیں جرم آنی سر ءَ موت ءِ سزا ھلاس کتگ ءُ گیشتر سختیں سزا ءُ قانونی رکھینگ ءِ رھبند دیم ءَ آؤرتگ اَنت۔ دگہ ھاسیں گامگیج آنی تہ ءَ اسلام آباد دارالحکومت ءِ دمگ ءَ چُک ءِ آروس ءِ بندش ءِ ایکٹ 2025 ھوار اِنت کہ آئی ءَ چُک ءِ آروس ءِ ھلاپ ءَ رکھینگ ءِ رھبند گیش کارآمد کتگ ءُ اقلیت آنی ھک ءِ نیشنل کمیشن ءِ بل 2025 ءِ منظوری ءِ سر ءَ ھم ھوار اِنت۔ اے درگت ءَ قانونی ءُ ادارہ جاتی اصلاحات ءِ سرا کار کنگ بوتگ۔ فریقین ءَ انسانی حقانی پڑ ءَ دو نیمگی کمک ءَ را گیش دیمروئی دیگ ءِ وتی جزم ءِ درشانی کت ءُ برابری، شمولیت، ءُ شرپ ءِ وڑیں مشترکہ اصول آنی دیمروئی ءِ واستہ وتی یکوئی شریکداری ءَ را برجاہ دارگ ءِ سر ءَ تپاک کت۔