پاکستان انسانی سوداگری ءِ ھلاسی ءُ انسانی استحصال ءَ چہ آجوئیں دنیا ءِ جوڑ کنگ ءِ ھاترا جھان ءِ شریکاں گوں کار کنگ ءَ برجاہ دار ایت، صدر آصف علی زرداری ءِ کلوہ

اسلام آباد۔30جولائی  (اے پی پی):صدر آصف علی زرداری ءَ گوشت کہ 30جولائی ءَ انسانی سوداگری ءِ ھلاپ ءَ جھان ءِ روچ دارگ بیت، ایشی ءِ مول ءُ مراد اے درگت ءَ ھترہ ءِ آماچیں مردمانی رکھینگ ءُ اے سنگینیں انسانی ھک لگتمالی ءِ بابت ءَ سرپدی دیگ اِنت۔ پاکستان انسانی دزگیری ءِ ھلاسی ءُ انسانی استحصال ءَ چہ آزاتیں دگنیا ءِ جوڑ کنگ ءِ واستہ گلوبل پارٹنر آنی گوما کار کنگ ءَ برجاہ دار ایت۔ صدارت ءِ پریس ونگ ءِ رد ءَ صدر ءِ مملکت آصف علی زرداری ءَ انسانی سوداگری ءِ ھلاپ ءَ جھان ءِ روچ ءِ موہ ءَ وتی کلوہ ءِ تہ ءَ گوشت کہ 2025ءِ بنگپ ’’انسانی سوداگری منظم جرم اِنت استحصال ءَ را ھلاس کنگ‘‘ اِنت ایشی ءَ چہ اے گپ پدر بیت کہ اے جرم منظم نیٹ ورک ءِ وسیلگ ءَ کنگ بیت۔ صدر آصف علی زرداری ءَ گوشت کہ انسانی بہا کنگ دگنیا ءِ واستہ یک مزنیں چیلنج انت کہ ایشی ءَ چہ لاکھوں مردم آناں آماچ انت، گریبی، جیڈھ، جہالت ءُ نا ایمنیں ہجرت انسانی بہا کنگ ءِ بُنکی سبب انت۔ صدر آصف علی زرداری ءَ گوشت کہ زالبول، زھگ ءُ حاشیہ ءِ تہ ءَ نشتگیں گل انسانی سوداگری ءَ چہ گیش آماچیں گل اَنت، انسانی سوداگری نا ایمنیں راہ آنی وسیلگ ءَ ہجرت کن اَنت کہ ایشی ءِ سبب ءَ ہر سال سداں گران بھائیں جانی تاوان بیت۔ صدر آصف علی زرداری ءَ گوشت کہ انسانی دزگیری ءِ ھلاسی ءِ واستہ میاں اوستمانی کمک، الس ءِ سرپدی ءُ یکجائی کوشست المی انت۔ صدر آصف علی زرداری ءَ گوشت کہ پاکستان ءَ انسانی دزگیری ءِ گر ءُ دار ءِ واستہ سختیں کانود، موثر ءُ نوکیں گامگیج آنی سر ءَ عمل کنگ ءَ انت۔ صدر آصف علی زرداری ءَ گوشت کہ پاکستان ءِ سیادی داروکیں ادارگ انسانی سوداگری آنی نیٹ ورک آنی پرشت ءُ مجرم آناں کانود ءِ دیم ءَ آرگ ءِ واستہ سرجمیں کوشست کنگ ءَ انت۔ صدر آصف علی زرداری ءَ گوشت کہ پاکستان انسانی دزگیری ءِ ھلاسی ءُ انسانی استحصال ءَ چہ آزاتیں دگنیا ءِ جوڑ کنگ ءِ واستہ گلوبل پارٹنر آنی گوما کار ءَ برجاہ دار ایت۔