دیریں میاں اوستمانی جیڈھ آنی پرامنیں رنگ ءَ گیش ءُ گیوار ءِ بنیات سلامتی کونسل ءِ قرارداد رد ءَ  کنگ  لوٹ ائیت، سردار ایاز صادق

جنیوا۔30جولائی  (اے پی پی):راجی اسمبلی ءِ اسپیکر سردار ایاز صادق ءَ شاھیگانیں  تک ءَ جھان ءِ بھروسہ ءِ بحال کنگ ءِ ضلورت ءِ سر ءَ زور پر دیان ءَ گوشت کہ دیریں میاں اوستمانی جیڈھ آنی ھاسیں رنگ ءَ فلسطین ءُ جموں کشمیر ءِ تہ ءَ اقوام متحدہ ءِ سلامتی کونسل ءِ رہبندانی رد ءَ عمل کنگ بہ بیت۔ ءِ تہ ءَ میان اُستمانی کارانی تہ ءَ ھلاس کنگ بہ بیت دانکہ جھان ءِ امن ءُ انصاف ءِ رکھینگ بہ بیت۔ آئی ءَ اے ھیالانی درشانی 29 ءَ بگر داں 31 جولائی 2025 ءَ جنیوا ءَ انٹر پارلیمانی یونین (آئی پی یو) ءُ اقوام متحدہ ءِ نیمگ ءَ یکجائی ءَ برجم داشتگیں پارلیمنٹ آنی اسپیکر آنی ششمی جھان ءِ کانفرنس ءَ گوں تران کنان ءَ کت اَنت۔ بُن ھشت ایر کتگ ءُ گُڈسر ءَ ناکام بوتگ، پاپولیزم، انتہا پسندی ءُ تنگ نظریں راجدوست ءِ وسیلگ ءَ کثیر جہتی ءِ ھلاس کنگ ءِ آسر ءِ یک زوراکیں یاد دہانی یے ءِ بستار ءَ کار کنت۔ آئی ءَ گوشت کہ دگنیا یک رندے پدا یک نازرکیں موڑ ءِ سر ءَ اِنت ءُ یکے دومی ءَ گوں بندوکیں بازیں بحران آنی گوما گر ءُ چیل اِنت کہ آ میاں اوستمانی امن ءُ ایمنی، اقتصادی برجائی، برجائی دیمروئی ءُ کثیر جہتی نظام ءِ یکوئی ءَ را ھترہ ءِ آماچ کن اَنت۔ اسپیکر سردار ایاز صادق ءَ دراجیں درملکی قبضہ ءِ جاور ھال ءِ سر ءَ زور پر دات کہ اودا میاں اوستمانی کانود، انسانی رہبند ءُ اقوام متحدہ ءِ منشور ءِ بنیاتی اصول آنی سر ءَ ھما مردمانی ھلاپ ورزی کنگ بیت کہ آ جھان ءِ امن ءِ سر ءَ بالادستی ءِ مول ءُ مراد ءُ کوتاہ مدتی سیاسی سوبمندی ءَ را اولیت دنت۔ آئی ءَ یک نیمگی ءُ انتہا پسندیں راجدوست ءِ گیش بوھوکیں رجحان آنی سبب ءَ اقوام متحدہ ءِ ساکھ ءِ تہ ءَ کمی ءِ سر ءَ زار شانی کت۔ آئی ءَ اے گپ ءِ سر ءَ ھم زور پر دات کہ جیڈھ آنی پرامن گیواری ءَ را نوں نہ ایوک ءَ کانود ءِ ذمہ واری ءِ رنگ ءَ چارگ بہ بیت بلکیں اسٹریٹجک ضلورت ءِ رنگ ءَ ھم چارگ بہ بیت۔ آئی ءَ گوشت کہ دائمی امن زوراکی ءُ یک نیمگی گامگیج ءِ وسیلگ ءَ چہ رسگ نہ بیت، ایشی ءِ بدل ءَ دگنیا ءَ را گپ ءُ تران، سفارتکاری، وت مہ وتی احترام ءُ اقوام متحدہ ءِ منشور ءِ سر ءَ حقیقی پابندی ءِ تہ ءَ سرمایہ کاری کنگ لوٹ ایت۔ آئی ءَ پاکستان ءِ صدارت ءِ چیر دستی ءَ اقوام متحدہ ءِ سلامتی کونسل ءِ قرارداد 2788 ءِ گوستگیں وھد ءَ یک رند ءَ منگ ءِ توسیپ کت کہ ایشی ءِ تہ ءَ جیڑھ آنی پرامن گیواری ءِ میکانزم آناں مھکم کنگ ءِ لوٹ کنگ بوتگ ایشی ءِ تہ ءَ گپ ءُ تران، پٹ ءُ پول، میانجی داری، مصالحت، عدالت ءِ گیش ءُ گیوار ءُ سیکرٹری جنرل ءِ تنظیم ءُ ذیلی تنظیم آنی گوما کمک ھوار اِنت۔ جہانی اقتصادی منظر نامہ ءِ سرا تران کنان ءَ اسپیکر سردار ایاز صادق ءَ اے گپ ءِ نیمگ ءَ دلگوش گور کت کہ اے وھد ءَ 100 ءَ چہ گیش دیمروئی کنوکیں ملک وام ءِ جیڈھ یا لیکویڈیٹی ءِ بحران ءِ آماچ انت ایشی ءِ مستریں سبب میاں اوستمانی تجارت ءُ مالیاتی ڈھانچگ آنی تہ ءَ انتظامی جیڈھ انت۔ آئی ءَ یک منصفانہ ءُ دیمروئی ءِ سرا مبنی عالمی مالیاتی نظام ءِ جوڑ کنگ ءِ واستہ ترندیں اصلاحات ءِ لوٹ کتگ کہ ایشی ءَ چہ اقتصادی لچک ءِ حمایت کنگ بیت، نابرابری ءَ را کم کنگ ءُ عالمی ساکھ ءِ واستہ بامردیں پیشرفت ءِ آسراتی رسیت۔ آئی ءَ اقوام متحدہ ءِ نظام ءِ ھاسیں رنگ ءَ سلامتی کونسل ءِ اصلاحات ءُ زندگ کنگ ءِ ضلورت ءِ سر ءَ زور پر دات تانکہ آ گیش نمائندگی، جمہوری ءُ سرجمیں رنگ ءَ ھوار کنگ بہ بیت۔ آئی ءَ گوشت کہ اے وڑیں اصلاحات جائزی ءِ بحال کنگ ءُ اے گپ ءَ را دل یکیمی کنگ ءِ واستہ المی انت کہ کثیر جہتی نظام مرچیگیں جھان ءِ چیلنج آناں پسو دیگ ءِ ھاترا توانمند انت۔ آئی ءَ اے گپ ءِ سر ءَ زور پر دات کہ ملامت ءِ گوازی ءَ را ھلاس کنگ ءُ مشترکہ انسانیت ءِ سر ءَ بنیات ءِ سر ءَ گیواری ءِ نیمگ ءَ روگ ءِ وھد اتکگ۔ آئی ءَ گوشت کہ دگنیا ءَ بازیں ھون ریچی دیستگ، نوکیں سوچ ءُ تنوع ءِ احترام ءِ گوما نوکیں بندات ءِ وھد اتکگ۔