بھارت ءِ  وڑ ءَ ایشی ءِ پراکسیز آناں ھم ہائبرڈ جنگ ءَ ھمے انجام ءُ زلت ءِ گوما دیم پہ دیمی کنگ کپ ائیت، فیلڈ مارشل سید عاصم منیر

راولپنڈی۔30جولائی  (اے پی پی):آرمی اسٹاف ءِ سروک فیلڈ مارشل سید عاصم منیر نشان امتیاز (ملٹری) ءَ گشتگ کہ انچوش کہ ہندوستان راستی ءِ جنگ ءَ شکست بوتگ آئی ءِ پراکسی فتنہ درئی  ءُ فتنہ  الهندستان ہم ہائبرڈ جنگ ءَ ہمے قسمت ءُ ذلت ءِ آماچ بنت۔ ناشرکاری ءَ گوں گر ءُ چیل بوھگ ءِ واستہ یکجاھیں راجی پسو ءِ ضلورت اِنت۔ چار شمبے ءِ روچ ءَ شانزدہمی راجی ورکشاپ بلوچستان ءِ بھر زوروکاں گوں تران کنان ءَ آرمی چیف ءَ ناشرکاری ءِ آفت ءَ را ھلاس کنگ ءُ راجی یکوئی ءُ یکوئی ءِ واستہ بلوچستان ءِ چاگردی ءُ اقتصادی دیمروئی ءَ را دیم ءَ برگ ءِ واستہ پاک فوج ءِ بے دروریں عزم ءِ سر ءَ زور پر دات۔ ایشی ءِ تہا پارلیمنٹ ءِ باسک، سول سوسائٹی ءِ نمائندگ، سرکاری ملازم، اکیڈمک زانت، رسانکدر ءِ نمائندگ ءُ ورنا ہوار اتنت۔ آرمی چیف ءَ ناشرکاریں پراکسی آنی بھارت ءِ پدریں سرپرستی ءِ سک باز مذمت کتگ ءُ بلوچستان ءِ اُلس ءِ مھکمیں راج دوستی ءَ را نشانگ جوڑ کنگ ءِ ناکامیں کوشست لیک اِتگ۔ آئی ءَ اے گپ ءِ پدرائی کت کہ انصاف ءِ جنگ ءَ شکست ءِ پد ءَ بھارت ءَ نوں وتی ناپاکی ءِ ایجنڈا ءَ را گیش کنگ ءِ ھاترا وتی پراکسی جنگ ءَ را گیش کتگ، آرمی چیف ءَ ھاسیں رنگ ءَ پاکستان ءِ ھلاپ ءَ بھارت ءِ ہائبرڈ جنگ ءَ فتن ال خوارج ءُ فتن الہندوستان ءِ پیادہ ءِ رنگ ءَ کارمرد کنگ ءِ حوالہ داتگ۔ آرمی چیف ءَ گوشت کہ اے پراکسی ھما قسمت ءُ بے شرپی ءِ آماچ بنت کہ بھارت ءَ را انصاف ءِ جنگ ءَ گوں دوچار کپتگ۔ فیلڈ مارشل عاصم منیر ءَ اے گپ ءِ سر ءَ زور پر دات کہ ناشرکار مذہب، فرقہ ءُ نسل ءِ ھچ وڑیں سیمسر ءَ نہ زان اَنت پمیشکا اے ھترہ ءَ گوں گر ءُ چیل بوھگ ءِ واستہ راجی تک ءَ یکجاھیں جزم ءِ گوما یکوئی ءَ پسو دیگ المی اِنت۔ آرمی چیف ءَ بلوچستان ءَ دیمروئی گامگیج آنی ارزشت ءِ سر ءَ زور پر دات۔ آئی ءَ صوبائی ءُ راجی دیمروئی ءِ مول ءُ مراد آنی سرجمی ءِ واستہ ادارگ آنی نیام ءَ کمک ءُ یک منسجمیں راجی رھبند ءِ ضلورت ءِ سر ءَ زور پر دات۔ آرمی چیف ءَ دمگی امن ءِ واستہ پاکستان ءِ جزم ءِ سر ءَ زور پر دات ءُ راجی تیاری ءِ ارزشت ءِ سر ءَ زور پر دات۔ دمگی امن ءِ واستہ پاکستان ءِ عزم ءِ پدا پدر کنان ءَ آرمی چیف ءَ ھرچ وڑیں درائیں یا تہی ھترہ ءِ سر ءَ فیصلہ کنوکیں رنگ ءَ پسو دیگ ءِ واستہ راج ءِ تیاری ءِ ضلورت ءِ سر ءَ زور پر دات، راجی شرپ ءِ رکھینگ ءُ وتی شہری آنی وشھالی ءَ را دل یکیمی کنگ ءِ ضلورت اِنت۔