اے این ایف نا چندی شار تیٹی منشیات اسمگلنگ نا برخلاف کریک ڈاؤن ، اسہ کروڑ 9 لکھ روپئی آن زیات مالیت نا 126.600 کلوگرام منشیات دوئی، 7 دوبہ دار دزگیر

اسلام آباد۔ 30 جولائی (اے پی پی) اینٹی نارکوٹکس فورس (اے این ایف) ملک انا چندی شار تیٹی منشیات اسمگلنگ نا برخلاف کریک ڈاؤن کرسا اسہ کروڑ 9 لکھ روپئی آن زیات مالیت نا 126.600 کلوگرام منشیات دوئی کرسا 7 دوبہ دار آتے دزگیرکرے۔ چارشنبے نادے آ ترجمان اے این ایف نا کنڈآن جاری بیان نا رداٹ چکلالہ گریژن راولپنڈی ٹی واقع کوریئر آفس آن بیلجیئم آن میر پور آ مون تروک آ پارسل آن 60 گرام وزنی 12 ایکسٹیسی گولی دوئی کرے۔ یارو ضلع پشین نا خڑک 2 دوبہ دار آتا کوزہ غان 6 کلو چرس و 2 کلو آئس دوئی کننگا۔ کامونکی ٹول پلازہ گوجرانوالہ نا خڑک موٹرسائیکل آن 9.5 کلو ہفیم و 26.4 کلوچرس دوئی کرسا دوبہ دار ءِ دزگیرکرے۔ جامشوروٹی بس اٹی سوار مسافر نا کوزہ غان 12 کلوچرس دوئی کرے۔ جامشورو ٹول پلازہ نا خڑک دوبہ دار نا کوزہ غان 9.6 کلوچرس دوئی کرے۔ ترکائی ٹول پلازہ جہلم نا خڑک دوبہ دار نا کوزہ غان 1 کلوچرس دوئی کرے۔ یونیورسٹی روڈ پشاور نا خڑ ک گاڈی اسے آن 60 کلوچرس دوئی کرے۔ دزگیردوبہ دار نا برخلاف انسداد منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔