خصوصی کمکار ہارون اخترخان تون پاکستان بزنسل کونسل نا سی ای او جاوید قریشی نا اوڑدہی

اسلام آباد۔ 30 جولائی (اے پی پی) وزیراعظم نا خصوصی کمکار صنعت و پیدوار، ہارون اخترخان چارشنبے نادے آ پاکستان بزنس کونسل نا چیف ایگزیکٹیو جناب جاوید قریشی تون اوڑدہی کرے۔ اوڑدہی ٹی پاکستان نا بروک آ صنعتی پالیسی نا اہم ٹک و اہم سلاہ تیا سرجمی اٹ گپ وتران کننگا۔ ہارون اخترخان زرگزران نا شونداری کن پوسکن آ صنعتی پالیسی نا دمدستی گرج آ زور شاغسا پارے کہ صنعتی شونداری وخت انا اہم گرج ءِ و وزیراعظم شہباز شریف پاکستان اٹی صنعتی انقلاب نا وژن تخک۔ اومستی پارے کہ پاکستان ءِ ہندن ءُ صنعتی پالیسی اسے نا گرج ءِ  ہرا ملکی زرگزران ءِ سوگو کے، روزگار نا وارخواہی ودی کے و زرکاری ءِ مون آ دے۔ جاوید قریشی آخبت نا سوچ آ تالان صنعتی پالیسی نا تیاری ٹی ہارون اخترخان نا کوشست آتا ستاءِ کرے و باوری کرفے کہ پاکستان بزنسل کونسل داپالیسی نا منظوری و نفاذ اٹی پبی کمک فراوان کیک۔ دا اوڑدہی پاکستان نا صنعتی بشخ انا بحالی کن اسیجائی پالیسی سازی نا کنڈا اسہ اہم ءُ پیش رفت اس پک مس۔