پاکستان جہانی شریدار آتون اواری اٹ انسانی اسمگلنگ نا چٹفنگ، انسانی استحصال آن پاک دنیا نا جوڑ کننگ کن کوشست کرسا کیک، صدر آصف علی زرداری نا کلہو

اسلام آباد۔ 30 جولائی (اے پی پی) صدر مملکت آصف علی زرداری پارینے کہ 30 جولائی آ انسانی اسمگلنگ نا برخلاف جہانی دے ءِ اڈتننگک ہرانا مسخت دا بابت خطرہ غاتا گواچی بندغ آتا رکھ و دا سنگین انسانی حق انا خلاف ورزی نا بارواٹی شعور تالان کننگ ءِ، پاکستان جہانی شریدار آتون اواری اٹ انسانی اسمگلنگ نا چٹفنگ و انسانی استحصال آن پاک دنیا نا جوڑ کننگ کن کوشست کرسا کیک۔ ایوان ءِ صدر نا پریس ونگ انا رداٹ انسانی اسمگلنگ نا برخلاف جہانی دےانا وخت آ تینا کلہو اٹی صدر مملکت آصف علی زرداری پارے کہ 2025 نا سرحال ’’انسانی اسمگلنگ منظم ءُ ڈہ اسے: استحصال ءِ چٹفن‘‘ پیدوار کیک کہ دا ڈوہ منظم نیٹ ورک آتا کمک اٹ کننگک۔ صدر آصف علی زرداری پارے کہ انسانی اسمگلنگ دنیا کن اسہ بھلو چیلنج اسے ہرا لکھ آ بندغ آتے زہمی کیک، نیزگاری، جھیڑہ، لاعلمی و بے رکھ ہجرت انسانی اسمگلنگ نا بنداوی سوب آک ءُ۔ صدر آصف علی زرداری پارے کہ زالبول، چناو پدسلوک آ تپہ غاک انسانی اسمگلنگ نا غٹ آن زیات زہمی گروہ ءُ، انسانی اسمگلر بے رکھ کسر آتے اٹ ہجرت کرفرہ ہرا ہرسال سد آ نہادی جون تا زیان نا سوب جوڑ مریک۔ صدر آصف علی زرداری پارے کہ انسانی اسمگلنگ نا چٹفنگ کن جہانی کمکاری، السی آگاہی و اسیجائی کوشست المی ءِ۔ صدر آصف علی زرداری پارے کہ پاکستان انسانی اسمگلنگ نا توننگ کن سخت کانود، گچین و جوان گام گیج آتیا عمل کننگ ءِ۔ صدر آصف علی زرداری پارے کہ پاکستان نا تعلقدار ایجنسیک انسانی اسمگلرآتا نیٹ ورک آتے پِرغنگ و ڈوہدار تے عدالت نا مون آ اتنگ کن پبی کوشست کننگ ءُ۔ صدر آصف علی زرداری پارے کہ پاکستان جہانی شریدار آتون اواری اٹ انسانی اسمگلنگ نا چٹفنگ و انسانی استحصال آن پاک دنیا نا جوڑ کننگ کن کوشست کرسا کیک۔