مزن وزیر محمد شہباز شریف ءِ وژن ءِ چیر دستی ءَ ریلوے ءِ تہ ءَ ریکارڈ دیمروئی منصوبگ آنی بندات یک راج دوستیں حکومت ءِ عکس اِنت، ریلوے ءِ وفاقی وزیر حنیف عباسی

لاہور۔29جولائی  (اے پی پی): ریلوے ءِ وفاقی وزیر محمد حنیف عباسی ءَ گوشت کہ مزن وزیر محمد شہباز شریف ءِ وژن ءِ چیر دستی ءَ مسافر آناں جوانیں سفری آسراتی پجاری اولی ترجی اِنت۔ ریلوے ءِ گہتری ءِ ھاتر ءَ ریکارڈ دیمروئی منصوبگ آنی بندات کنگ راج دوستیں حکومت ءِ عکس اِنت۔ ملک ءِ معیشت جوانیں کشک ءَ شتگ ۔ سوبمندیں سفارتکاری ءِ برکت ءَ جھان ءِ تک ءَ پاکستان ءِ شرپ ءُ شان گیش گیش بوتگ۔ شفافیت ءِ دیمروئی ءِ واستہ درستیں وسیلگ آناں کارمرد کنگ بوھگ ءَ انت۔ آئی ءَ  اے ھیالانی درشانی سئے شمبے ءِ روچ ءَ  لاہور ءَ  اپ گریڈ پاک بزنس ٹرین ءِ بنگیج ءِ مراگش ءَ  گوں تران کنان ءَ  کت۔ مراگش ءِ ھاسیں مہمان مزن وزیر محمد شہباز شریف بوتگ، وھدیکہ وفاقی وزیر ءِ اھوالکاری ءُ نشریات عطا اللہ تارڑ، ریلوے ءِ کارندہ، مزنیں اھوالکار ءُ اے دگہ مردم اے موہ ءِ سر ءَ ساڑی بوتگ اَنت۔ ریلوے ءِ وفاقی وزیر ءَ گوشت کہ پبلک سروس مسلم لیگ ن ءِ طرز اِنت، سرکاری گامگیج آنی سبب ءَ ملک ءِ معیشت دیمروئی ءُ مہنگائی ءِ نیمگ ءَ روگ ءَ اِنت ءُ پالیسی ءِ شرح ءَ مزنیں کساسے ءَ کمی اتکگ، پاکستان ءِ وقار ءَ را مزن وزیر ءِ جوانیں گامگیج ءَ چہ گیش بوتگ ،  مزن وزیر محمد شہباز شریف ءِ ملک ءِ ھاترا ھزمت چہ کس ءَ پُشت ءَ نہ اَنت، آئی ءِ کوشستاں پاکستان سرجمیں دگنیا ءَ نامدار کتگ، ءُ پاکستان ءِ سیادی گوں دگہ ملکاں گوں سوبمندیں سفارتکاری ءَ مھکم کنگ بوھگ ءَ اِنت۔ وفاقی وزیر ءَ سوبمندی ءِ بابت ءَ گپ جنان ءَ گوشت کہ مزن وزیر محمد شہباز شریف ءِ زانتکاریں سروکی ءِ سبب ءَ سرجمیں راج ءَ بھارت ءِ ھلاپ ءَ جنگ ءَ پاک فوج ءِ ھمراھی ءَ جنگ کتگ، بھارت ءِ ھلاپ ءَ جنگ ءَ راجدپتری سوبمندی زرتگ ءُ بھارت ءَ را جھان ءِ پڑ ءَ پد کش بوتگ، دژمن ءِ ٹپ انگت ءَ چاٹگ ءَ اَنت۔ وفاقی وزیر ءَ گوشت کہ ریلوے ءِ گہتری ءُ شفافی اولی ترجی انت۔ فنڈز ءِ کمی ءَ ابید ھم مزن وزیر محمد شہباز شریف ءِ سروکی ءَ ریلوے ءِ راجی ادارگ پدا پاد ءَ ایر کنگ بوت ءُ منافع بخش ادارگ جوڑ کنگ بوت۔ اے سال ءَ پاک ریلوے ءَ 93ارب کلدار ءَ چہ گیش راجدپتری آمدنی کتگ۔ وزیر ریلوے ءَ گوشت کہ ریلوے مزن وزیر محمد شہباز شریف ءِ وژن ءِ رد ءَ دیمروئی کنگ ءَ انت۔ جدید لائنز ءِ سر ءَ ریلوے ءِ نظام ءَ را دیمروئی دیگ ءِ واستہ میگا منصوبگ بندات کنگ بوتگ انت۔ ریلوے پٹریانی جوڑ کنگ ءِ واستہ 250ارب کلدار ایر کنگ بوتگ ۔ مرچی ڈیجیٹل ٹیکنالوجی ءِ دور اِنت۔ دستی نظام ءَ را ھلاس کنگ بوھگ ءَ انت ءُ ریلوے ریزرویشن ءُ اکانومی نظام ءَ را ڈیجیٹل کنگ بوھگ ءَ انت۔ راولپنڈی، کراچی ءُ لاہور ءِ اسٹیشنانی تہا صفائی ءِ نظام آؤٹ سورس کنگ بوتگ ءُ فوڈ اتھارٹی ءِ گوما ریلوے اسٹیشنانی تہا مسافراں کوالٹی ءِ وردن پجارینگ ءِ واستہ معاہدہ کنگ بوتگ۔ آئی ءَ گوشت کہ روہری ءَ چہ کراچی ٹریک سرجمیں ریل ءِ نظام ءِ ایورٹا انت۔ کراچی ءَ بگر داں روہری ٹریک ءَ را گیش جوان کنئگ بیت۔ پنجاب ءِ سر وزیر مریم نواز ءَ لاہور ءَ چہ راولپنڈی ٹریک ءَ را اپ گریڈ کنگ ءِ واستہ فنڈز ءِ پجاری ءِ دل یکیمی داتگ۔ آئی ءَ گوشت کہ ریلوے ءِ گیش 40 اسٹیشن آنی سر ءَ وائی فائی ایر کنگ بیت تانکہ مسافر آناں ترندیں انٹرنیٹ ءِ آسراتی پجاری بہ بیت۔ ھمے رنگ ءَ کوہات ءَ چہ ازبکستان ءِ سیمسر ءَ تاں 850کلومیٹر ٹریک ءِ منصوبگ ءِ سر ءَ ھم کار بوھگ ءَ اِنت۔ اے جاری اِنت، اے 10 ارب کلدار ءِ منصوبگ اِنت۔ آئی ءَ گوشت کہ سیالکوٹ ایکسپریس ءُ خوشھل خان کھٹک ایکسپریس ءَ ھوار بازیں ریل آناں بحال کنگ بوتگ، وھدیکہ ریلوے اسٹیشن آنی اپ گریڈیشن، ایکسلریٹر ءُ فرنٹ ڈیسک ءِ جوڑ کنگ ءِ کار ھم کنگ ءَ انت۔ محمد حنیف عباسی ءَ گوشت کہ راولپنڈی ویسٹ مینجمنٹ کمپنی ءِ گوما صفائی ءِ معاہدہ ءِ سبب ءَ نوں کمیں وھد ءِ تہ ءَ ٹرین آنی صفائی ممکن بوتگ، نوکیں کوچ آنی تہ ءَ وائی فائی ءِ آسراتی دیگ بیت۔ آئی ءَ گیش گوشت کہ ریلوے ایپ ءَ گوں 16 بینک یکجا کنگ بوتگ انت ءُ 348 اسٹیشن آنی سر ءَ اے ٹی ایم مشین ایر کنگ بوھگ ءَ انت۔ آئی ءَ گوشت کہ کرپشن ءِ ھلاسی اولی ترجی آنی تہ ءَ ھوار اِنت، کارمند ادارگ ءِ ارزشتی ایں سرڈگار اَنت، دیمروئی منصوبگ آنی ھواری ءَ ریلوے ءِ کارندہ آنی جیڈھ اولی ترجی ءِ بنیات ءَ گیش ءُ گیوار کنگ بوھگ ءَ اَنت۔ آئی ءَ گوشت کہ پاک بزنس ٹرین لاہور ءُ کراچی ءِ نیام ءَ روت ءُ لاہور ءَ چہ 18 ءُ نیم کلاک ءَ چہ کراچی ءَ سر بیت، اے ٹرین ءَ چہ معیشت ءَ را 3 ارب کلدار کمک رسیت ءُ 1100 مسافر جدید ترین ٹریول آسراتی ءَ چہ سیت چست کن انت۔ ایشی ءَ چہ پیسر وفاقی وزیر اعظم محمد شہباز شریف ءَ را بریفنگ دیگ بوت۔