اسلام آباد۔ 29 جولائی (اے پی پی) نائب وزیراعظم و وزیرخارجہ سینیٹر محمد اسحاق ڈار اقوام متحدہ ٹی اِراریاستی ایسری آ جہانی کانفرنس نا وخت آ کویت نا وزیر خارجہ عبداللہ ال یحییٰ تون اوڑدہی کرے۔ ترجمان دفترخارجہ نا رداٹ داوخت آ ہڑتوم آ راہشونک واپار، زرکاری ، توانائی، فوڈ سیکورٹی و دفاع نا بشخ آتیٹی تین پہ تینی کمکاری نا مون آ دننگ آ چکار کرسا پاکستان و …
نائب وزیراعظم و وزیرخارجہ سینیٹر محمد اسحاق ڈار نا کویت نا وزیر خارجہ عبداللہ ال یحییٰ تون اوڑدہی
گیشتریں ھال
اسلام آباد۔ 29 جولائی (اے پی پی) نائب وزیراعظم و وزیرخارجہ سینیٹر محمد اسحاق ڈار اقوام متحدہ ٹی اِراریاستی ایسری آ جہانی کانفرنس نا وخت آ کویت نا وزیر خارجہ عبداللہ ال یحییٰ تون اوڑدہی کرے۔ ترجمان دفترخارجہ نا رداٹ داوخت آ ہڑتوم آ راہشونک واپار، زرکاری ، توانائی، فوڈ سیکورٹی و دفاع نا بشخ آتیٹی تین پہ تینی کمکاری نا مون آ دننگ آ چکار کرسا پاکستان و کویت نا ہڑتوم آ کنڈآتا تعلقداری تے پین سوگو کننگ نا گمان تا جاچ ءِ ہلکر۔ اوفک اقوام متحدہ و او آئی سی تون اوار کثیر الجہتی فورم تیا خڑکی کمکاری آ ہم گپ وتران کریر۔ فریق آک ہڑتوم آ کنڈآتا تعلقداری تے پین ودفنگ کن آخبت خڑک اٹی بڑزکو کہول انا ہن بر تیا امنا کریر۔ فلسطینی تا برخلاف اسرائیلی جارحیت نا برجاکارروائی و غزہ ٹی بگڑینگوک آ انسانی حالیت آتیا گڑتی نا درشانی ءِ کرسا ہڑتوم آ وزیر آک اسہ انصاف اٹ و دیرپاایسری نا دمدستی گرج آ زور شاغار۔ اوفک اومیت ظاہرکریر کہ کانفرنس نانتیجہ غاک اِراریاستی ایسری نا دوئی کننگ اٹ معنی خیز کڑد ادا کیرہ۔
