بنجائی وزیر حوالکاری عطاء اللہ تارڑ نا مسلم لیگ (ن) نا متکن آ کارندہ حافظ نعمان نا اُراغا ہنسا باوہ نا کزیت آ ہڑزخواہی

لاہور۔ 29جولائی (اے پی پی) بنجائی وزیر حوالکاری و شینکاری عطاء اللہ تارڑ مسلم لیگ (ن) نا متکن آ و فعال کارندہ حافظ نعمان نا اُراغا ہنسا اونا باوہ نا کزیت  آ ہڑزخواہی کرے۔ وزیراعظم نا میڈیا کوآرڈینیٹر بدر شہباز وڑائچ ہم داوخت آ اوڑتون اوار ئس۔ بنجائی وزیر حوالکاری ایماندار نا روح انا ثواب کن دعاپاتیا کرے و غمزدہ خاہوت تون ہمدردی نا درشانی ءِ کرے۔ داوخت آ اوپارے کہ حافظ نعمان نا باوہ نا کزیت بھلو سانحہ سے، ایماندار نا کزیت آن ودی مروک آ خلاء مدت آتیا پُر مننگ کپک۔ بنجائی وزیر دعاکرے کہ اللہ تعالیٰ ایماندار ءِ جنت اٹی بڑزکو ہند و خاہوت ءِ صبر و جمیل عطاکے۔ داوخت آ پارٹی راہشون و کارندہ غاک ہم ساڑی ئسر ، ہرافک ایماندار نا روح انا ثواب کن دعا کریر و خاہوت تون ہمدردی نا درشانی ءِ کریر۔