بنجاھی وزیر اھوالکاری عطا اللہ تارڑ مسلم لیگ (ن) ءِ کوھنیں باسک حافظ نعمان ءِ لوگ ءَ تر ءُ تاب   کتگ ءُ  آئی ءِ پت ءِ بیرانی ءِ سر ءَ دلپدردی درشان

لاہور۔29جولائی  (اے پی پی): بنجاھی وزیر ءِ اھوالکاری عطا اللہ تارڑ ءَ مسلم لیگ (ن) ءِ  کوھنیں  ءُ جوانیں  کارندہ حافظ نعمان ءِ لوگ ءَ تر ءُ تاب کتگ ءُ آئی ءِ پت ءِ بیرانی ءِ سر ءَ دلپدردی درشان کتگ۔ اے موہ ءِ سر ءَ مزن وزیر ءِ میڈیا کوآرڈینیٹر بدر شہباز ورائیچ ھم آئی ءِ ھمراہ ات۔ بنجاھی وزیر اھوالکاری ءَ بیران بوتگیں روح ءِ واستہ فاتحہ پیش کتگ ءُ غم ءِ آماچیں ھاندان ءَ گوں دل ءِ جہلانکی ءَ ہمدردی ءِ درشانی کتگ۔ اے موہ ءِ سر ءَ آئی ءَ گوشت کہ حافظ نعمان ءِ پت ءِ بیرانی یک مزنیں وئیل اِنت، بیران بوتگیں مردم ءِ بیرانی ءَ چہ پیداکیں ھالیگیں جاہ دیراں پُر نہ بیت۔ بنجاھی وزیر ءَ دعا کت کہ اللہ تعالیٰ بیران بوتگیں مردم ءَ را وتی رحمت ءِ تہ ءَ بُرزیں جاگہ بہ دنت ءُ پشومیں کھول ءَ را صبر ءُ اوپار بہ دنت۔ اے موہ ءِ سر ءَ پارٹی ءِ سروک ءُ باسک ھم ھوار بوتگ اَنت کہ آیاں پہ بیران بوتگیں مردم ءِ ابدی امن ءُ ایمنی ءِ دعا کتگ ءُ گوں ھاندان ءَ ھمدردی ءِ درشانی کتگ۔