مئے واب یک جان سلامتیں چاگردے، پاکستان ءِ تہ ءَ زھگ ءِ پیدائش ءِ شرح 3.6 اِنت، ھچ ملک جان سلامتی ءِ آسراتی ءِ کمی ءَ برداشت نہ کنت، بنجاھی وزیر راجی جان سلامتی

اسلام آباد۔29جولائی  (اے پی پی): راجی جان سلامتی ءِ بنجاھی وزیر سید مصطفیٰ کمال ءَ گشتگ کہ ہر جان سلامتی پالیشی ءِ مرکز الس ءِ جان سلامتی بہ بیت، مئے واب یک جان سلامتی ءِ چاگردے کہ آئی ءِ بُن ھشت مات ءُ چُک ءِ جان سلامتی ءَ چہ بندات بیت، ھر سال 11 ھزار زالبول زھگ ءِ وھد ءَ وتی جان ءَ چہ زبھر بنت، اے پاکستان ءِ اے ملک ءَ دیمروئی کت نہ کنت۔ برداشت کن انت کہ اودا جان سلامتی ءِ آسراتی ءِ کمی انت۔ آئی ءَ اے ھیالانی درشانی سئے شمبے ئِ روچ ءَ پاکستان ئُُ جھان ئِ جان سلامتی ئِ گل ڈبلیو ایچ او ئِ نیام ءَ ایل او اے ئِ سر ءَ دستخط کنگ ئِ مراگش ئِ ساھت ءَ کینسر ئِ نادراھیں زھگ آنی واستہ مُپتیں دوائی آنی دسترس ئِ ھوالگ ءَ درشان کُت۔ بنجاھی وزیر جان سلامتی مصطفیٰ کمال ءَ اے موہ ءِ سر ءَ راجی نادراھی آنی گر ءُ دار ءِ منصوبگ 28-2025 ءِ ھم بنگیج کت ءُ گوشت کہ ایشی ءَ چہ ھر سال 8ھزار زھگ آناں کینسر ءِ درمان آنی مفت ءَ پجارینگ بیت۔ آئی ءَ گوشت کہ پاکستان ءِ گلوبل پلیٹ فارم فار چائلڈ ہڈ کینسر میڈیسن ءَ ھوار بوھگ ءِ مول ءُ مراد زھگ آنی تہ ءَ کینسر ءِ گر ءُ دار ءِ شرح ءَ را 30درسد ءَ چہ 60درسد ءَ را گیش کنگ اِنت۔ آئی ءَ گوشت کہ اے معاہدے ءِ رد ءَ ڈبلیو ایچ او راجی جان سلامتی ءِ وزارت ءَ را ٹیکنیکل کمک ءَ کنت۔ آئی ءَ گیش کرتگ کہ اے منوگری ءِ رد ءَ یونیسیف ءِ زمہ واری درمان آنی گرگ ءُ پاکستان ءَ درمان آنی رسگ ءِ ذمہ واری بیت۔ بنجاھی وزیر ءَ اپسوز ءِ درشانی کت ءُ گوشت کہ کم ءُ میاں اوستمانی آمدنی ءِ ملک آنی تہ ءَ زھگ آنی تہ ءَ کینسر ءِ سبب ءَ بیرانی ءِ کچ 70درسد ءَ تاں اِنت۔ آئی ءَ گوشت کہ مئے موقف مدام بوتگ کہ نادراھیانی گر ءُ دار ءِ کار ھسپتال آنی ڈن ءَ چہ بندات بیت۔ اگاں ما نادراھیانی دیم ءَ دارگ ءَ ناکام بہ بئیں گڑا مزنیں بحرانے دیم ءَ اتک کنت۔ بنجاھی وزیر ءَ گوشت کہ مرچی مئے واستہ یک ھاسیں موہ اِنت، ما یک گلوبل پروگرام ءِ تہ شریک جوڑ بوتگ ایں۔ آئی ءَ یونیسیف، ورلڈ ہیلتھ آرگنائزیشن، ءُ کینسر ءِ گر ءُ دار ءِ واستہ زھگ آناں دوائی آنی پھجارینگ ءِ گامگیج ءِ سر ءَ درستیں شریک آنی منت واری درشان کت ءُ گوشت کہ پاکستان ءَ جان سلامتی ءِ نظام ءِ سر ءَ دباؤ ءِ تہ ءَ اِنت، مارا جیڈھ آناں سرپد بوھگ ءِ ضلورت اِنت، مارا ملامت کنگ مہ بیت، بلے حکومت ءُ الس ءَ را یکجاہ وتی بھر ءَ پیلو کنگی اِنت۔ آئی ءَ گوشت کہ مئے واب جان سلامتیں چاگرد اِنت، ایشی ءِ بندات مات ءُ زھگ ءِ جان سلامتی ءَ چہ بیت، ھمک سال 11 ھزار زالبول زھگ ءِ زھگ ءِ وھد ءَ وتی جان ءَ چہ زبھر کنت، پاکستان ءَ زھگ ءِ پیداک کنگ ءِ شرح 3.6 اِنت، ھچ ملک اے شرح ءَ گوں دیمروئی کت نہ کنت۔ آئی ءَ گوشت کہ ملک ءِ 43درسد زھگ نادراھی ءِ آماچ اَنت، سالے ءِ تہ ءَ نزیک ءَ 8 ھزار زھگ کینسر ءِ آماچ بنت، ایشی ءِ سر ءَ دلگوشی ءِ ضلورت اِنت۔ بنجاھی وزیر ءَ گوشت کہ جان سلامتی ءِ مستریں مول ءُ مراد نادراہ ءَ را نادراہ بوھگ ءَ چہ رکھینگ اِنت، ہسپتال چنچو ھم جوڑ کنگ بہ بنت نادراھی آنی گیش بوھگ ءِ بار کم کنگ نہ بیت۔ آئی ءَ گیش گوشت کہ نادراھیانی وھد ءِ سر ءَ پٹ ءُ پول ءُ گر ءُ دار چہ درمان ءَ گیش المی اِنت۔ آئی ءَ گوشت کہ مرچیگیں مراگش زھگ آنی جان ءِ رکھینگ ءِ جزم ءِ آدینک انت ءُ زھگ آناں درمان پھجارینگ ءِ مول ءُ مراد زھگ آناں کینسر ءَ چہ رکھینگ ءِ نیمگ ءَ مزنیں گامگیج انت کہ یک مہلکیں نادراھی یے ۔ بنجاھی وزیر ءَ اے گپ ءِ سر ءَ زور پر دات کہ الس ءَ را وتی زندمان ءِ تہ ءَ بدلی آرگ لوٹ ایت۔ آئی ءَ گوشت کہ جیڈھ آنی بُن ءَ سر بوھگ المی اِنت پرچا کہ وھدے ھاوسنگ سوسائٹی جوڑ کنگ بنت آ وھد ءَ سیوریج ٹریٹمنٹ پلانٹ آنی جست ءَ کس چست نہ کنت۔ آئی ءَ گوشت کہ ایوک ءَ ساپیں آپ ءِ پجاری ءَ چہ اسپتال آنی سر ءَ دباؤ 68درسد کم بوت کنت ءُ مئے راج ءَ را اے گپ ءَ سرپد بوھگی اِنت۔ پولیو ءِ مہلکیں نادراہی ءِ ھلاسی ءِ ھوالگ ءَ بنجاھی وزیر ءَ گوشت کہ وھدے پولیو ءِ کارندہ ویکسین ءِ گوما تئی گس ءَ کاینت گڈا آ وتی زھگ آناں آیوکیں وھد ءِ واستہ ویکسین کنگ لوٹ ایت تانکہ آ دائمی نادراھی ءَ چہ رکھگ بہ بنت۔ آئی ءَ چہ مات ءُ پتاں لوٹ کتگ کہ آ وت ویکسینیٹر ءَ سر بہ بنت تانکہ وتی زھگ آنی ویکسینیشن ءَ را دل یکیمی کنگ بہ بیت۔