پاکستان ءَ ملائیشیا ءِ نیمگ ءَ دعوت داتگیں کمبوڈیا ءُ تھائی لینڈ ءِ جاورھال ءِ ھوالگ ءَ ھاسیں دیوان ءَ را وش آتک کنگ بوتگ

اسلام آباد۔29جولائی  (اے پی پی): پاکستان ءَ ملائیشیا ءِ نیمگ ءَ دعوت داتگیں کمبوڈیا ءُ تھائی لینڈ ءِ جاور ھال آنی ھوالگ ءَ ھاسیں دیوان ءِ سوبمندیں آسری ءَ را وش اتک کتگ۔ سئے شمبے ءِ روچ ءَ درئی کارانی کارگس ءِ جارکش ءَ گوشت کہ پاکستان ءَ ملائیشیا ءِ نیمگ ءَ گوانک جتگیں کمبوڈیا ءُ تھائی لینڈ ءِ جاور ھال آنی ھوالگ ءَ ھاسیں گند ءُ نند ءِ سوبمندیں آسری ءَ را وش اتک کنگ بیت۔ دری کارانی کارگس ءِ جارکش ءَ گیش گوشت کہ ما گپ ءُ تران ءِ جذبہ ءَ را ستا کن ایں ءُ سفارتکاری ءُ دمگی کمک ءِ وسیلگ ءَ جیڈھ ءِ پرامن گیواری ءِ ودار ءَ ایں ۔