سیاسی استحکام ءُ پالیسیانی تسلسل ملک ءِ استحکام ءُ معیشت ءِ مھکم بوھگ ءِ ھاترا المی اِنت، حکومت ءَ اے سال ءِ آجوئی ءِ روچ ءِ مراگش ءَ گوں راستی ءِ جھد ءَ برجم دارگ ءِ پیسلہ کتگ، احسن اقبال

کراچی۔ 28 جولائی (اے پی پی): منصوبگ بندی، دیمروئی ءُ ھاسیں گامگیج آنی وفاقی وزیر احسن اقبال ءَ گوشت کہ حکومت ءَ اے سال ءِ آجوئی ءِ روچ ءِ مراگش ءَ را راستی ءِ جہد ءَ گوں برجم دارگ ءِ پیسلہ کتگ، 7اگست ءَ بگر داں 14 اگست ءَ سرجمیں ھپتگ برجم دارگ بیت ءُ سرجمیں راج 2018 ءَ اے وشی ءُ وشھالی ءِ درشان ءَ کنت۔ سرجمیں راج وتی آجوئی ءِ منت ءَ جھک ایت۔ بھارتی زوراکی ءِ ھلاپ ءَ پاکستان ءِ سلاہ بندیں اُرد ءِ نیمگ ءَ چہ رستگیں سوبمندی ءَ سرجمیں دُگنیا ءِ تہ ءَ پاکستان ءِ عکس ءُ شرپ نوکیں بالاد ءَ سر کتگ۔ سیاسی استحکام ءُ پالیسی آنی تسلسل ملک ءِ استحکام ءُ معیشت ءِ مھکمی ءِ واستہ المی انت۔ اے ھیالانی درشانی آئی ءَ دوشمبے ءِ روچ ءَ کراچی پریس کلب ءَ پریس کانفرنس ءِ کنان ءَ کت اَنت۔ آئی ءَ گوشت کہ مئے قوتاں اے گپ اے گپ پدر کتگ کہ راستی ءِ جنگ ایوک ءَ نعرہ ءِ نہ انت بلکینگ ءَ اصولی طاقت ءِ نظریہ انت۔ آئی ءَ گوشت کہ اے آجوئی ءِ روچ مئے واستہ سک ھاسیں روچ اِنت ایشی ءَ چہ پاکستانی راج ءِ تہ ءَ نوکیں یقین ءُ نوکیں واھشت ودی بوتگ اَنت۔ آئی ءَ گوشت کہ انچوش کہ ما آپریشن بنیان مرسوس ءَ جنگ ءِ پڑ ءَ بھارت ءَ را شکست داتگ، ھمے رنگ ءَ انشاللہ پاکستان ءَ را معیشت ءِ پڑ ءَ وتی گاریں جاہ پدا دست کپ ایت وھدے کہ آ جنوبی ایشیا ءِ نمبر ون اکانومی ءِ نام ءَ زانگ بوتگ۔ آئی ءَ گوشت کہ حکومت ءَ 31دسمبر 2024 ءَ اودان پاکستان ءِ نام ءَ دیمروئی منصوبگ پیش کتگ ایشی ءِ مول ءُ مراد 2035ءَ تاں پاکستان ءَ یک کھرب ڈالر ءِ معیشت ءِ تہ ءَ بدل کنگ اِنت ءُ مزن وزیر محمد شہباز شریف ءِ سروکی ءَ اے منصوبگ ءِ سر ءَ حکومت ءِ توامیں محکمہ ءُ وزارت کار کنگ ءَ اَنت۔ آئی ءَ گوشت کہ ما آئی ایم ایف پروگرام ءِ سر ءَ عمل درآمد ءَ را ھم دل یکیمی کنگ ءَ ایں کہ پاکستان ءِ معیشت ءِ یک رندے پدا زندگ کنگ ءِ واستہ انت۔ آئی ایم ایف ءِ پروگرام ہچ ملک ءِ واھگ نہ اِنت بلے 4 سالی پی ٹی آئی ءِ سرکار ءِ پاکستان ءِ معیشت ءِ سرا جتگیں ٹپانی دیم ءَ دارگ ءِ ھاترا مئے ھاترا المی بوتگ کہ ما آئی ایم ایف ءِ کمک ءَ بہ زوریں ءُ ملک ءَ را دیوالیہ بوھگ ءَ چہ بہ رکّینیں ءُ ما اے مول ءُ مراد ءَ سوبمندیں رنگے ءَ سرجم کتگ۔ آئی ءَ گوشت کہ گوستگیں یک سال ءَ چہ ملک اقتصادی گہتری ءِ نیمگ ءَ روگ ءَ انت ءُ اے گپ ءَ را معیشت ءِ سر ءَ نگرانی کنوکیں میاں اوستمانی ادارگ ھم منگ ءَ انت۔ آئی ءَ گوشت کہ نوکیں مثال سٹینڈرڈ اینڈ پورز ءِ ریٹنگ آنی تہ ءَ گہتری اِنت کہ ٹرپل سی ءَ چہ ڈبل بی ءَ سر بوتگ آئی ءَ گوشت کہ پالیسی ءِ شرح 23درسد ءَ چہ 11درسد ءَ اتکگ، وھدیکہ یک سالے ءِ تہ ءَ زرّ ءِ دیم دیگ 39ارب ڈالر ءَ سر بوتگ۔ چاگردی پڑ ءِ ھوالگ ءَ احسن اقبال ءَ گوشت کہ دگنیا ءِ ھچ ملک 90درسد وانندگی ءِ شرح ءِ سر ءَ سر بوھگ ءَ ابید دیمروئی کنگ ءَ سوبین نہ بوتگ، وھدے کہ مئے وانندگی ءِ شرح انگت 60درسد اِنت، مارا اے بابت ءَ ھم جیڑگی اِنت کہ ما پرچا وانندگی ءِ شرح ءِ ٹارگٹ ءِ سر ءَ سر بوھگ ءَ سوبین نہ ایں ۔ وفاقی وزیر ءَ گوشت کہ مئے 40درسد زھگ نادراھی ءِ آماچ اَنت ءُ آ جسمانی ءُ ذھنی رد ءَ ھم نزور اَنت، اے ھما سرھال اَنت کہ آھانی سر ءَ گپ ءُ تران کنگ بہ بیت۔ آئی ءَ گوشت کہ ملک ءِ گیش بوھوکیں آبادی کہ 2.4درسد بوتگ نوں 2.55درسد جوڑ بوتگ۔ آئی ءَ گوشت کہ توامیں صوبائی حکومت آناں منصوبگ بندی پروگرام آناں کارآمد جوڑ کنگ لوٹ ایت، ورنہ اگاں ما تاں 2040 ءَ تاں نزیک ءَ 400 ملین ءِ آبادی ءَ سر بہ بئیں گڈا اے وسیلگ کم نہ بنت۔ آئی ءَ گوشت کہ اے جیڈھ آنی سر ءَ ما رسانکدر ءِ گوما کار کن ایں تانکہ دیمروئی کمیونیکیشن ڈیپارٹمنٹ ءِ دائرہ کار ءَ را گیش موثر جوڑ بہ کن ایں تانکہ ما اے سرھال آناں راجی مناظرہ آنی تہ ءَ جاگہ بہ دئیں تانکہ حکومت ھم احتساب بہ کن اَنت، وھدیکہ نجی شوبگ ھم حساس بہ بنت ءُ شہری آنی تہ ءَ اے احساس پیداک بہ بیت کہ مارا اے درستیں جیڈھ آناں گیش ءُ گیوار کنگ لوٹ ایت۔ آئی ءَ گوشت کہ ایشی ءِ واستہ مارا دیمروئی احوالکاری ءُ دیمروئی کمیونیکیشن ءَ را دیم ءَ برگ لوٹ ایت تانکہ ملک ءِ اقتصادی دیمروئی ءِ واستہ جوانیں پیسلہ کت بہ کن ایں ۔ یک جُستے ءِ پسو ءَ احسن اقبال ءَ گوشت کہ استیں حکومت ءَ مہنگائی ءِ گر ءُ دار ءِ واستہ بازیں گامگیج چست کتگ کہ ایشی ءِ میوہ الس ءَ سر بوھگ ءَ بندات کتگ اَنت۔ این ایف سی ایوارڈ ءِ ھوالگ ءَ جست ءِ سر ءَ احسن اقبال ءَ گوشت کہ درستیں صوبگ آنی وڑ ءَ آزات جموں ءُ کشمیر، گلگت بلتستان ءُ فاٹا ءِ ضلع آناں ھم بھر رسگ لوٹ ایت ءُ اے وھد ءَ آھانی بھر وفاقی حکومت ءِ بھر ءَ چہ درکپگ ءَ اِنت۔ ما استانانی بھر ءَ کم کنگ ءَ نہ ایں بلے ما لوٹ ایں کہ پیشگالیں دمگ آنی بھر ءَ گوں استان آنی ھمراھی ءَ چہ بوت کنوکیں پول ءَ دیگ بہ بیت۔ کے فور پروجیکٹ ءِ بابت ءَ جست ءِ پسو ءَ احسن اقبال ءَ گشتگ کہ ما وتی پیسریگیں سرکار ءَ اے پروجیکٹ ءِ جار جتگ ات بلے پدا ایشی ءِ تہا ڈیزائن ءِ جیڑہ بوتگ ۔ آ وھد ءَ ایشی ءِ ھرچ 120ارب کلدار ءِ ھساب ءَ ٹھینگ بوتگ ات، وھدے کہ نوں اے منصوبگ ءِ ھرچ 140 یا 160ارب کلدار ءَ سر بوتگ ءُ نوں وفاقی حکومت ایشی ءِ سر ءَ سرجمیں زرّ ھرچ کنت ءُ امیت انت کہ اے منصوبگ اے سال ءِ گڈسر ءَ یا آیوکیں سال ءِ بندات ءَ سرجم کنگ بہ بیت۔ آئی ءَ گوشت کہ مزن وزیر شکر ءِ نہاد ءِ ھوالگ ءَ جیڈھ آناں ذاتی رنگ ءَ چارگ ءَ انت، معاملہ زوت گیش ءُ گیوار کنگ بیت۔ یک جستے ءِ پسو ءَ احسن اقبال ءَ گشتگ تحریک انصاف ءِ بُن ھشت ایر کنوک سیاسی بندیگ نہ انت، آ سزا یافتہ مجرم انت ءُ آئی ءِ حلاف ءَ 190 ملین پونڈ ءِ دزی ءِ کیس است انت ءُ ہر وڑیں دستاویزی ثبوت دست ءَ انت۔