وفاقی وزیر خزانہ سینیٹر محمد اورنگزیب ءَ امریکی چارج ڈی افیئرز الزبتھ ہورسٹ ءَ گوں گند ءُ نند کتگ، دو نیمگی تجارتی موہ آنی بابت ءَ گپ ءُ تران

اسلام آباد۔28جولائی  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ را امریکی سفیر (چارج ڈی افیئرز) الزبتھ ہورسٹ ءَ وزارت خزانہ ءَ گوں گند ءُ نند کت۔ گند ءُ نند ءَ وت مہ وتی دلچسپی ءِ جیڈھ آنی سر ءَ ھیال ریچی کنگ بوت ءُ پاکستان ءُ امریکہ ءِ نیام ءَ دو نیمگی سیادی آنی تہ ءَ جوانیں دیمروئی آنی بابت ءَ سرپد کنگ بوت۔ وزیر ءِ ھزانگ ءَ پاکستان ءِ اقتصادی دیمروئی ءِ واستہ دراجیں مدتی کمک ءِ پد ءَ امریکہ ءِ شگر ءُ منت گپت۔ آئی ءَ گوستگیں یک ءُ نیم سال ءِ تہ ءَ میکرو اکنامک استحکام ءِ ھاترا امریکی کمک ءِ ھاسیں رنگ ءَ ساڑات ءُ جتا جتائیں شوبگ آنی تہ ءَ دو نیمگی سیادی آنی تہ ءَ گہتری ءِ وش اتک کت۔ وزیر ءِ ھزانگ ءَ امریکہ ءِ گوستگیں تر ءُ تاب ءِ حوالہ ءَ واشنگٹن ڈی سی ءَ امریکی وزیر تجارت ہاورڈ لوٹنک ءُ امریکی تجارتی نمائندہ ایمبیسڈر جیمیسن گریر  ءِ گوما وتی پائدگ مندیں گند ءُ نند ءِ ذکر کت۔ آئی ءَ پاکستان ءُ امریکا ءِ نیام ءَ تجارتی ءُ اقتصادی کمک ءِ تہ ءَ پیشرفت ءَ را دلبڈی لیک اِتگ۔ سینیٹر محمد اورنگزیب ءَ اے گپ ءِ سر ءَ زور پر دات کہ امریکا پاکستان ءِ مستریں تجارتی شریک اِنت ءُ پاکستان روایتی شوبگاں چہ ابید دو نیمگی کمک ءَ را گیش کنگ ءِ واھشت مند اِنت۔ آئی ءَ ھاسیں رنگ ءَ انفارمیشن ٹیکنالوجی، معدنیات ءُ زراعت ءِ شوبگ ءَ را وت مہ وتی فائدگ ءِ واستہ ھاسیں موہ ءِ رنگ ءَ زور پر دات۔ وزیر خزانہ ءَ ہورسٹ ءَ را پاکستان ءِ نوکیں اقتصادی اشارہ آنی بابت ءَ ھم سرپد کت ایشی ءِ تہ ءَ کریڈٹ ریٹنگ  ءِ تہ ءَ گہتری ءُ سرمایہ کار آنی بھروسہ ءِ تہ ءَ گیشی ھوار اِنت۔ آئی ءَ ٹیکس اصلاحات ءِ سر ءَ زور پر دات ءُ توانائی ءِ شوبگ ءَ اصلاحات ءِ تجویز پیش کت کہ ایشی ءِ مول ءُ مراد پائیدار ءُ دراجیں مدتی اقتصادی دیمروئی ءَ را دل یکیمی کنگ اِنت۔ ایشی ءَ ابید آئی ءَ میاں اوستمانی سرمایہ کاری مارکیٹ آنی تہ ءَ پاکستان ءِ سوبمندیں داخلہ، اولی پانڈا بانڈ ءِ جاری کنگ ءِ منصوبگ ءُ یورو ءُ امریکی ڈالر بانڈ مارکیٹ آنی تہ ءَ سر بوھگ ءِ تیاری آنی بابت ءَ ھم سرپدی دات۔ الزبتھ ہارسٹ ءَ پاکستان ءِ اقتصادی دیمروئی ءُ اصلاحات ءِ سرا مبنی پالیشی آناں ساڑات ءُ پاکستان ءِ گوما اقتصادی ءُ تجارتی سیادی ءَ را گیش مھکم کنگ ءِ ھاترا امریکہ ءِ عزم ءِ پدا زور دات۔ آئی ءَ پاکستان ءَ اقتصادی ءُ سیاسی برجائی ءِ واستہ امریکہ ءِ کمک ءِ یک رندے پدا گوشت ءُ دوئیں ملک آنی نیام ءَ دیریں ءُ مھکمیں کاروباری شری داری ءِ واستہ امیت سہرا کت۔ گند ءُ نند ءِ ساھت ءَ دوئیں نیمگ ءَ استیں جوانیں سیادی آنی سر ءَ کار کنگ ءَ دو نیمگی کمک ءَ را گیش پراھی کنگ ءِ جزم ءِ درشان کت۔