وفاقی وزیر خزانہ ءُ آمدنی سینیٹر محمد اورنگزیب ءَ نیدرلینڈز  ءِ سفیر ءَ گوں  برو پہ ھیری گند ءُ نند

اسلام آباد۔28جولائی  (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ پاکستان ءَ ہالینڈ ءِ سفیر ہینی ڈی وریز (H.E. Mrs. Henny de Vries) ءَ وزارت ھزانگ ءَ گڈی برو پہ ھیری گند  ءُ نند کت۔ وزیر ءِ ھزانگ ءَ پاکستان ءُ نیدرلینڈ ءِ نیام ءَ دیریں دو نیمگی سیادی آناں دیمروئی ءُ مھکم کنگ ءِ واستہ ہینی ڈی وریز  ءِ کوشست آناں ساڑات۔ آئی ءَ جتا جتائیں شوبگ آنی تہ ءَ ھاسیں رنگ ءَ تجارت ءُ کاروبار ءِ تہ ءَ کمک ءِ دیمروئی ءِ تہ ءَ آئی ءِ ازمت آنی سر ءَ شگر ءُ منت گپت۔ سینیٹر محمد اورنگزیب ءَ پاکستان ءَ کار کنوکیں ڈچ کمپنی آنی جوانیں کرد ءُ چاگردی ءُ اقتصادی دیمروئی ءِ تہ ءَ آھانی کرد ءَ را ھم ساڑات۔ گند ءُ نند ءِ ساھت ءَ دوئیں نیمگ ءَ وت مہ وتی دلپوشی ءِ جیڈھ آنی سر ءَ ھیال ریچی کنگ بوت۔ وزیر ءِ ھزانگ ءَ سفیر ءَ را پاکستان ءِ تہ ءَ گوستگیں اقتصادی دیمروئی آنی بابت ءَ سرپد کت ایشی ءِ تہ ءَ سوورن کریڈٹ ریٹنگ ءِ تہ ءَ گہتری، سیکورٹی ءِ جاور ھال آنی مھکم کنگ ءُ سرمایہ کار آنی دل یکیمی ءِ تہ ءَ گیشی ھوار اِنت کہ اے درستیں کلیدی شوبگ آنی تہ ءَ برجمیں برجائی ءِ آسر اَنت۔ آئی ءَ حکومت ءِ اقتصادی حکمت عملی ءِ سر ءَ زور پر دات کہ ایشی ءِ تہ ءَ پائیدار، ھواریں ءُ برآمدات ءِ سروکی ءَ دیمروئی ءِ سر ءَ دلگوشی دیگ بوتگ۔ وزیر خزانہ ءَ انوگیں پیش کتگیں وفاقی بجٹ ءِ تہ ءَ ھواریں مالیاتی فریم ورک ءِ سر ءَ ھم زور پر دات کہ ایشی ءِ تہ ءَ چاگردی سلامتی ءُ دفاعی ھرچ ءُ درچ ءَ را گیش کنگ ءِ واستہ متوازنیں رھبند ءِ ھوار سبسڈی ءُ قرضہ ءِ سروسنگ ءِ تہ ءَ مزنیں کمی ھوار اِنت۔ اے محتاط پالیشی ءِ سبب ءَ اے سال ءِ سرجمیں بجٹ ءِ تہ ءَ گیشی ایوک ءَ 1.9درسد ءَ تاں محدود بوتگ کہ گوستگیں سال آنی تہ ءَ 9 ءَ چہ 10درسد ءِ گیشی ءَ چہ مزنیں فرقے بوتگ۔ سفیر ہنی ڈی ورس ءَ پاکستان ءَ میکرو اکنامک استحکام ءِ ھاترا دل یکیمی ءِ درشانی کت ءُ ملک ءِ استیں دیمروئی ءِ راہ ءِ توسیپ کت۔ آئی ءَ امیت سہرا کت کہ پاکستان دراج مدت ءِ اقتصادی دیمروئی ءُ وشھالی ءِ نیمگ ءَ وتی سفر ءَ برجاہ دار ایت۔