پاکستان ءُ کرغزستان ءِ نیام ءَ سیل ءُ سواد ءِ شوبگ ءَ کمک ءِ دیمروئی ءِ واستہ بے دروریں موہ است انت، وفاقی وزیر سردار اویس احمد خان لغاری

اسلام آباد۔28جولائی  (اے پی پی): بجلی ءِ بہر ءُ بانگ ءِ وفاقی وزیر سردار اویس احمد خان لغاری ءَ گشتگ کہ پاکستان ءُ کرغزستان ءِ نیام ءَ سیادی یکے دومی ءِ احترام ءِ سرا بندوک انت، ءُ اے المی انت کہ دوئیں نیمگ ءِ نجی شعبہ ءَ را تجارت ءُ سرمایہ کاری ءِ دیمروئی ءِ ھاتر ءَ دلبڈی دیگ بہ بیت۔ اے ھیالانی درشانی آئی ءَ دو شمبے ءِ روچ ءَ پاکستان ءُ کرغزستان ءِ میاں اوستمانی کانفرنس ءِ بنداتی دیوان ءَ گشتانک دیان ءَ کت۔ وفاقی وزیر ءَ گوشت کہ سیل ءُ سواد ءِ شوبگ ءَ کمک ءِ دیمروئی ءِ واستہ بے دروریں موہ است انت، سیل ءُ سواد ءِ شوبگ ءَ استیں موہ آناں راستیں رنگ ءَ کارمرد کنگ المی انت۔ آئی ءَ گوشت کہ اے المی اِنت کہ فریق آناں تجارت ءُ سرمایہ کاری ءِ دیمروئی ءِ واستہ نجی شوبگ ءِ دلبڈی دیگ بہ بیت، ٹیکسٹائل ءِ شوبگ ءَ تجارت ءَ را گیش کنگ بیت، حلال تجارت ءِ دیمروئی پاکستان ءُ کرغزستان ءِ یکجائی مول ءُ مراد اِنت۔ آئی ءَ گوشت کہ سرمایہ کاری ءِ شوبگ ءَ کمک ءَ را دیمروئی دیگ ءِ واستہ جزمیگ اَنت۔ وفاقی وزیر ءَ گوشت کہ وانگ ءُ زانگ ءِ اصلاحات آنی تہ ءَ کمک مئے شریکداری ءِ کلید اِنت، پاکستان ءُ کرغزستان ءِ نیام ءَ سیادی وت مہ وتی ءِ شرپ ءِ سر ءَ بنیات اِنت۔