20 سال ءَ پد وتی پت ءِ شہید بوھگ ءَ پد یک دلیریں چُکے ءَ ھم وت ءَ پہ ڈیھ ءَ ندر کت، وفاقی تہی کارانی وزیر ءَ بلوچستان ءَ شہید بوتگیں میجر زیاد سلیم ءِ لوگ  ءَ شت ءُ آئی  گس ءِ مردم آناں دلبڈی دات

راولپنڈی۔28جولائی  (اے پی پی): وفاقی تہی کارانی وزیر محسن نقوی ءَ بلوچستان ءَ شہید بوتگیں میجر زیاد سلیم ءِ گس ءِ تر ءُ تاب کتگ ءُ شہید میجر زیاد سلیم ءِ مات، برات ءُ گہار ءُ گس ءِ مردم آں   گوں گند ءُ نند کت ءُ پاتیہ  ونت۔  دو شمبے ءِ روچ ءَ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وزیر داخلہ محسن نقوی ءَ شہید میجر زیاد سلیم ءِ مات، برات، گھار ءُ ھاندان ءَ گوں گند ءُ نند کتگ ءُ ھاندان ءَ گوں دل ءِ تہ ءَ ھمدردی ءُ غم ءِ درشانی کتگ ءُ شہید ءِ رند ءِ برز کنگ ءِ واستہ پاتیہ  پیش کتگ۔ وزیر داخلہ محسن نقوی ءَ شہید ءِ رند ءِ برز کنگ ءُ غم ءِ آماچیں ھاندان ءِ صبر ءِ دعا کتگ۔ تہی کارانی وزیر محسن نقوی ءَ شہید میجر زیاد سلیم ءِ مات ، گھار ءُ برات آنی مزن دلی ءَ را ساڑات ءُ گوشت کہ شُمئے وڑیں دلیر ءُ مزن روحیں مات راج ءِ شان اَنت۔ محسن نقوی ءَ شہید میجر زیاد سلیم ءِ مات ءِ مزنی، دلیری ءُ بہادری ءَ را سلام پیش کنان ءَ گوشت کہ شہید آنی کھول ءِ قربانی آنی قوم ادا کت نہ کنت۔ محسن نقوی ءَ گوشت کہ شہیدیں میجر زیاد سلیم ءِ بے دروریں قربانی مدام یات کنگ بیت، آئی ءِ کھول ءِ ھمک رنگ ءَ چار ءُ بچار کنگ بیت۔ شہیدیں میجر زیاد سلیم ءِ گڈی آڈیو میسج آئی ءِ برات ءَ توکی کارانی وزیر محسن نقوی ءَ را بیان کتگ۔ گپ ءُ تران ءِ وھد ءَ شہید ءِ مات ءَ گْوشت کہ آئی ءِ چُک ءَ چہ شہید بوھگ ءَ کمو پیسر آروس کتگ، ءُ آئی ءَ وتی ڈیھ ءُ ڈیھ ءِ مھر ھما حد ءَ بوتگ کہ جنون ءِ ھساب ءَ بوتگ۔ آئی ءَ گْوشتگ کہ زیاد ٹپی بوھگ ءَ ابید ھم وتی سنگتاں رکّینگ ءَ اِنت۔ آئی ءَ وتی ٹپانی پرواہ ھم نہ کت۔ آئی ءَ گْوشتگ کہ منی لوگ واجہ ءَ پد نوں آئی ءِ چُک ءَ ھم وت ءَ پہ وطن ءَ ندر کتگ ۔ شہید ءِ مات ءَ گْوشتگ کہ من مدام وطن ءُ پاکستانی تاکتانی کش ءَ اوشتاتگ ءُ دیمتر ءَ ھم اوشتات کناں ۔ میجر زیاد سلیم ءِ پت بریگیڈیئر سلیم ءَ ھم 2005 ءَ وت ءَ پہ ماتیں وطن ءَ ندر کتگ آئی جی اسلام آباد پولیس علی نصیر رزوی ءَ وتی زند ءِ سرا زھر شانی کتگ۔ اے موہ ءِ سر ءَ چیف کمشنر اسلام آباد محمد علی رندھاوا ھم ساڑی ات۔