رکھی ٹیکہ جات نا کوریج ءِ ودفنگ کن اسہ سوگو و گچین گام گیج کننگے، بنجائی وزیر جان جوڑی مصطفیٰ کمال

اسلام آباد۔ 28 جولائی (اے پی پی) بنجائی وزیر جا ن جوڑی مصطفیٰ کمال فیڈرل ڈائریکٹوریٹ آف امیونائزیشن نا دیوان اٹی پارے کہ رکھی ٹیکہ جات نا کوریج ءِ ودفنگ کن اسہ مربوط و گچین گام گیج کننگے۔ اوپارے کہ چناتے دُوانزدہ ناجوڑی تیان بچفنگ کن اسہ گچین ءُ ملک گیر مہم اسے کن نیوپلان اس مرتب کننگے، آگاہی مہم نا مسخت چناتیٹی دُوانزدہ مہلک ناجوڑی تیان بچفنگ نا ویکسی نیشن ءِ پک کننگ ناءِ۔ اوپارے کہ لمہ و باوہ ءِ باور کرفر تینا چناتا دشمن جوڑ مفس، لمہ و باوہ تینا چناتے مہلک ناجوڑی تیان بچفنگ کن تینا چناتے ہیلتھ سینٹر ویکسی نیشن کن اتیر۔احتیاط درمان آن جوان ءِ و ننا فوکس چناتے ناجوڑ مننگ آن بچفنگ ءِ، چناتے مہلک ناجوڑی تیان بچفنگ لمہ و باوہ نا مذہبی و اخلاقی فرض ءِ۔ دیوان اٹی رکھی ٹیکہ غاتا بابت پروگرام (ای پی آئی) نا ڈائریکٹر جنرل رکھی ٹیکہ جات پروگرام ءِ مون تروک چیلنج و آخبت نا لائحہ عمل آ حوال تس۔