پاکستان و کرغزستان نا نیام اٹ سیل و سوات نا بشخ اٹی کمکاری نا مون آ دننگ کن بے پناہ وارخواہی ساڑی ءِ، بنجائی وزیر سردار اویس احمد خان لغاری

اسلام آباد۔ 28 جولائی (اے پی پی) بنجائی وزیر پاور ڈویژن سردار اویس احمد خان لغاری پارینے کہ پاکستان و کرغزستان نا تعلقداری تین پہ تینی شرف آ تالان ءِ، واپار و زرکاری نا مون آ دننگ کن ہڑتوم آ کنڈانا نجی بشخ انا است بڈی المی ءِ۔ داخیال آتا درشانی ءِ او دوشنبے نادے آ پاکستان کرغزستان بین الاحکومتی بنائی دیوان آن تران کرسا کرے۔ بنجائی وزیر پارے کہ سیل و سوات نا بشخ اٹی کمکاری نا مون آ دننگ اٹی بے پناہ وارخواہی ساڑی ءِ، سیل و سوات نا بشخ اٹی دوئی وارخواہی تے سہی وڑاٹ کاریم اٹ اتنگ المی ءِ۔ اوپارے کہ واپار و زرکاری نا مون آ دننگ کن فریق آتا کنڈآن نجی بشخ انا است بڈی المی ءِ، ٹیکسٹائل نا بشخ اٹی واپار ءِ ودفنگک، حلال واپار نا مون  آ دننگ پاکستان کرغزستان نا اسیجائی ہدف ءِ۔ اوپارے کہ زرکاری نا بشخ اٹی کمکاری ءِ مون آ دننگ کن سنبرینگوک اُن۔ بنجائی وزیرپارے کہ تعلیمی اصلاحات اٹی کمکاری ننا شریداری نا کلیت ءِ، پاکستان و کرغزستان نا تعلقداری تین پہ تینی شرف آ تالان ءِ۔