ہیپاٹائٹس ءِ گر ءُ دار ءِ واستہ وھد ءِ سر ءَ نادراھی ءِ پٹ ءُ پول، موثریں رکّینگ ءِ گامگیج ءُ الس ءِ سرپدی المی اِنت، راجی اسمبلی ءِ اسپیکر سردار ایاز صادق

اسلام آباد ءِ سرا بوتگ۔ 27جولائی(اے پی پی) راجی اسمبلی ءِ اسپیکر سردار ایاز صادق ءَ گوشت کہ ہیپاٹائٹس یک کشندہیں بلے علاج ءِ لائکیں نادراھی اِنت، ایشی ءِ واستہ وھد ءِ سر ءَ پجارینگ، موثر گر ءُ دار ءِ گامگیج ءُ الس ءَ را سرپدی دیگ المی اِنت۔ پاکستان ءَ ہیپاٹائٹس بی ءُ سی ءِ کیس آنی تہ ءَ برجاھیں گیشی یک مزنیں راجی چیلنج اِنت، ایشی ءَ گوں گر ءُ چیل بوھگ ءِ واستہ یکجائی کوشست آنی ضلورت اِنت۔ ہیپاٹائٹس ءِ جھان ءِ روچ ءِ درگت ءَ وتی کلوہ ءِ تہ ءَ آئی ءَ اے گپ ءِ سر ءَ دلگوش گور کت کہ اے نادراھی ءِ شنگ ءُ تالان بوھگ ءِ مستریں سبب جہالت، نا ایمنیں دوا ءُ درمان ءِ رھبند ءُ ناقصیں سرنج ءِ کارمرد کنگ اَنت۔ اسپیکر قومی اسمبلی ءَ گوشت کہ قومی اسمبلی السی جان سلامتی ءِ رکھینگ ءِ واستہ سرجمیں کانود ءِ منظوری، بے لائسنس ڈاکٹر آنی ھلاپ ءَ سکیں گامگیج ءُ طبی آسراتی آنی پھجاری ءِ واستہ جوانیں فنڈز ءِ منظوری ءَ را دل یکیمی کنگ ءَ انت۔ آئی ءَ پارلیمنٹ ءِ باسک آناں زور پر دات کہ آ وتی حلقہ آنی تہ ءَ سرپدی مہم ءَ را جوانیں رنگ ءَ بہ کن اَنت تانکہ رکگ ءِ گامگیج ءُ اسکریننگ ءِ ارزشت ءَ را الس ءَ را سر کنگ بہ بیت۔ آئی ءَ گوشت کہ پاکستان ءِ حکومت سرجمیں ملک ءَ اسکریننگ، ویکسینیشن ءُ مپت علاج ءِ وسیلگ ءَ ہیپاٹائٹس ءِ ھلاسی ءِ واستہ ٹھوس گامگیج کنگ ءَ انت۔ آئی ءَ جان سلامتی ءِ شوبگ ءِ ادارگ، ڈاکٹر، نرس ءُ میڈیکل سٹاف آناں توسیپ ءُ ستاءِ درشان کت کہ آ اے نادراھی ءِ ھلاسی ءِ واستہ شپ روچ کار کنگ ءَ اَنت۔ اسپیکر راجی اسمبلی ءَ الس ءَ را اپیل کتگ کہ آ وھد ءِ سر ءَ اسکریننگ بہ کن اَنت، رکگ ءِ گامگیج آناں وتیگ بہ کن اَنت ءُ الس ءِ جان سلامتی ءِ دیمروئی ءِ واستہ سرکاری گامگیج آناں کمک بہ کن اَنت۔ آئی ءَ گوشت کہ اجتماعی سرپدی، السی کمک ءُ جوانیں حکمت عملی ءِ وسیلگ ءَ ہیپاٹائٹس ءَ چہ پاکیں پاکستان ءِ واب پیلو بوت کنت۔ قومی اسمبلی ءِ ڈپٹی اسپیکر سید غلام مصطفیٰ شاہ ءَ وتی کلوہ ءِ تہا گوشت کہ ہیپاٹائٹس نہ ایوک ءَ انفرادی جان سلامتی ءِ واستہ بلکینگ ءَ راجی دیمروئی ءِ واستہ مزنیں ھترہ انت۔ آئی ءَ گوشت کہ اے نادراھی ءَ گوں گر ءُ چیل بوھگ ءِ واستہ لس مہلوک ءِ سرپدی، رکھینگی گامگیج ءُ حفظان صحت ءِ رھبندانی سر ءَ عمل کنگ ءِ ھمراھی ءَ نوکیں دوا ءُ درمان ءِ آسراتی المی انت۔ آئی ءَ گوشت کہ راجی اسمبلی ءَ را راجی جان سلامتی ءَ را راجی اولیت دیگ ءِ وھد ءَ موثر کانود سازی، نگرانی ءُ سرپدی ءِ تہ ءَ مدام سرگرمیں کرد پیلو کنگ ءَ اِنت۔ آئی ءَ اے عزم ءِ سر ءَ پدا زور پر دات کہ راجی اسمبلی ھیپاٹائٹس ءِ ھلاسی ءِ واستہ ھمک پڑ ءَ سرجمیں کمک ءَ را برجاہ دار ایت۔