آجوئی ءِ روچ ءَ پد راجی دود ءُ ربیدگ ءِ پالیشی ءِ جار جنگ بیت، آثار قدیمہ ءِ جاہ آنی ڈیجیٹل میپنگ ءِ کار جاری اِنت، وفاقی وزیر اورنگزیب خان کھچی  ءَ گوں انٹرویو

اسلام آباد۔27جولائی  (اے پی پی):راجی ورثہ ءُ دود ءُ ربیدگ ءِ وفاقی وزیر محمد اورنگزیب خان کھچی  ءَ گوشت کہ پاکستان ءِ دود ءُ ربیدگ ءِ بیانیہ ءُ جھان ءِ ساکھ ءِ نوکیں رنگ ءَ دیم ءَ آرگ ءِ ھاترا یک مزنیں گامگیج ءِ رنگ ءَ وفاقی حکومت آجوئی ءِ روچ ءَ پد یک راجدپتری راجی دود ءُ ربیدگ ءِ پالیسی ءِ جار جنت۔ شناخت ءِ ھاتر ءَ ، آئی ءِ جتائیں میراث ءِ رکھینگ ءُ پاکستان ءِ جوانیں عکس ءَ را جھان ءِ تک ءَ پدر کنگ ءِ ھاتر ءَ دیم ءَ آرگ بہ بیت۔ راجی ورثہ ءُ دود ءُ ربیدگ ءِ وفاقی وزیر محمد اورنگزیب خان کھیچی ءَ اے پی پی ءَ گوں ھاسیں گپ ءُ تران ءِ تہ ءَ گوشت کہ اے پالیشی مئے بُن ءُ رند، نبشتہ کاری ءُ دود ءُ ربیدگ ءِ شان ءَ گوں سیادی داروکیں راجی عزم اِنت۔ آئی ءَ گوشت کہ اے ایوک ءَ پالیسی دستاویز ءِ نہ اِنت بلکینگ ءَ مئے راجی پجار ءَ گوں بندوکیں عہد اِنت ایشی ءِ وسیلگ ءَ ما پاکستان ءِ دود ءُ ربیدگی زمین ءَ را یکجا کنگ لوٹ آں ءُ وتی مڈی ءَ را فخر ءَ گوں دگنیا ءِ دیم ءَ پیش کنگ لوٹ آں ۔ آئی ءَ گوشت کہ اے پالیسی گڈی سیم سر آنی تہ ءَ انت ءُ توامیں صوبہ، دود ءُ ربیدگ ءِ زانتکار، ادیب، ازمکار ءُ ھمگرنچیں اسٹیک ہولڈر آنی گوما شور ءُ سلاھ ءَ پد جوڑ کنگ بوھگ ءَ انت۔ آئی ءَ گوشت کہ اے پالیشی ءِ مستریں مول ءُ مراد منفی لیکہ ءِ ھلاس کنگ ءُ پاکستان ءِ راستیں پجار ءِ پیش کنگ اِنت، ما ھما بیانیہ آناں رد کنگ لوٹ ایں کہ مئے ملک ءَ را تیر ءُ تپنگ ءَ گوں بندوک کن اَنت، مئے سرڈگار ءَ مہر گڑھ ءِ وڑیں کوھنیں تہذیب ھست اَنت کہ 12 ھزار سال ءِ کوھن اِنت، ایشی ءِ ھمراھی ءَ مزنیں تہذیب چوشکہ ٹاسرو، موجولاداہن۔ ما دنیا ءِ مستریں دود ءُ ربیدگی میراث ءِ واھند ایں ۔ آئی ءَ گوشت کہ دود ءُ ربیدگی پالیشی ءَ چہ ازمکار ءُ لبزانکی پڑ آناں ادارگی کمک رس ایت ءُ پراھ ءُ زھمیں ڈھانچگ آنی تہ ءَ اصلاحات آرگ بنت۔ وفاقی وزیر ءَ گشتگ کہ مئے دود ءُ ربیدگ ءَ را بازیں وھد ءَ چہ نادیدہ کنگ بوتگ یا کم کارمرز کنگ بوتگ۔ نوں وھد اِنت کہ ما وتی دود ءُ ربیدگ ءِ پجار ءُ میراث ءَ زندگ بہ کنیں۔ آئی ءَ گوشت کہ پاکستان ءِ گوما اے وھد ءَ 86 ملک آنی گوما دود ءُ ربیدگی کمک ءِ معاہدہ است انت ءُ اے کساس ءَ را 125 ءَ سر کنگ ءِ واستہ کار بوھگ ءَ انت، آئی ءَ گوشت کہ گوستگیں ھپتگ آنی تہ ءَ درجن سفیر آں پاکستان ءِ تر ءُ تاب کتگ ءُ دود ءُ ربیدگی کمک ءِ واستہ سک باز دلگوشی ءِ درشان کتگ۔ پاکستانی ازمکار آنی جھان ءِ ھست بوھگ ءِ سر ءَ چمشانک دیان ءَ آئی ءَ گوشت کہ انوگیں وھد ءَ ورنا ازمکار آنی یک گلے چین ءَ شتگ، اودا آئی ءَ را مزنیں وش آتک کنگ بوتگ، وھدے کہ یک دگہ ڈل ءِ زوت ازبکستان ءَ روت۔ گوستگیں سال ءَ لوک میلہ ءَ 6 ملکاں بہر زرتگ ات وھدے کہ اے سال ءَ 12 ءِ نزیک ءَ ملک آنی بہر زورگ ءُ وتی پویلین ءِ جوڑ کنگ ءِ گمان انت۔ آئی ءَ گوشت کہ حکومت مذہبی ءُ میراثی سیل ءُ سواد ءِ دیمروئی ءِ واستہ عملی گامگیج ھم کنگ ءَ انت۔ مزن وزیر ءِ سروکی ءَ مزن تک ءِ دیوان ءَ اے ھوالگ ءَ راجی منصوبگ جوڑ کنگ بوتگ، ایشی ءِ تہ ءَ دود ءُ ربیدگ ءُ سیل ءُ سواد ءِ نمائندہ آناں بھر زوری کتگ۔ اے منصوبگ ءِ رد ءَ اسلام آباد ءَ پاکستان ءِ اولی بودائی دود ءُ ربیدگی ءُ زانتکاری مرکز لوک ورسا جوڑ کنگ بوھگ ءَ اِنت وھدیکہ شاہ اللہ دتا گْور ءِ وڑیں بودھ ءِ ھاسیں جاھانی سر ءَ بنیاتی ڈھانچہ جوڑ کنگ بوھگ ءَ اِنت۔ اپ گریڈ کنگ بوھگ ءَ اِنت۔آئی ءَ گوشت کہ اے گامگیج پاکستان ءَ بودھ ءِ میراث ءَ گوں دلچسپی داروکیں زیارتی، پٹ ءُ پولکار ءُ سیل ءُ سواد کنوک آنی واستہ یک دلکشیں منزل ءِ جوڑ کنت۔ آئی ءَ گوشت کہ 18می آئین ءِ ترمیم ءَ پد گیشتریں آثار قدیمہ ءِ جاھ نوں صوبائی حکومت آنی چیر دستی ءَ اَنت بلے وفاقی وزارت ءَ اے جا آنی آسراتی آناں گہتر کنگ ءِ واستہ درستیں صوبگ آناں نمدی روان داتگ پرچا کہ میاں اوستمانی سیل ءُ سواد کنوکیں مردم اے جا آنی سر ءَ تر ءُ تاب کن اَنت، مارا صوبگ آنی نیمگ ءَ چہ جوانیں پسو رستگ ءُ اندرونی ڈھانچہ ءِ تہ ءَ کار کنگ بوھگ ءَ اِنت۔ وفاقی وزیر ءَ گوشت کہ 1998ءَ چہ اچ اچ نوکیں پاکستانی سائٹ جھان ءِ ورثہ ءِ لسٹ ءَ ھوار کنگ نہ بوتگ، نوں ما چار نوکیں نامزدگی دیم داتگ ءُ ملکی سروک یونیسکو ءِ نیمگ ءَ چہ جوانیں پسو رستگ۔ آئی ءَ گوشت کہ وفاقی وزارت نیشنل لائبریری، پاکستان اکیڈمی آف لیٹر ءُ راجی زبان ءِ دیمروئی ءِ محکمہ ءِ وڑیں ھاسیں دود ءُ ربیدگی ادارگ آناں ھم ڈیجیٹل کنگ ءَ انت تانکہ لبزانکی ءُ دود ءُ ربیدگی ورثہ آناں آیوکیں نسل آنی واستہ رکھینگ بہ بیت۔ آئی ءَ گوشت کہ آثار قدیمہ ءِ جاھ آنی ڈیجیٹل میپنگ ھم جاری اِنت تانکہ آوانی رسائی ءُ سرپدی ءَ را جھان ءِ تک ءَ گیش کنگ بہ بیت۔ پاکستان ءِ دود ءُ ربیدگی جاہ آناں پدر کنگ ءِ دگہ گامگیج ءِ رنگ ءَ آثار قدیمہ ءِ عجائبات ءِ سر ءَ دستاویزی سلسلہ تیار کنگ بوھگ ءَ اِنت کہ آ سفارتخانہ ءُ سفارتی چینل آنی وسیلگ ءَ سرجمیں دگنیا ءَ شنگ کنگ بیت۔ ادارگی اصلاحات ءِ بابت ءَ تران کنان ءَ اورنگزیب کھچی  ءَ گوشت کہ ملک ءِ بازیں دود ءُ ربیدگ ءِ ادارگ 50 ءَ چہ 60 سال پیسر جوڑ کنگ بوتگ اَنت ءُ نوں پراھ ءُ شاھگان اَنت ۔ سینیٹر عرفان صدیقی ءِ سروکی ءَ یک کمیٹی یے اے ادارگ آنی کار ءِ دائرہ کار ءُ دروشم ءِ چار ءُ تپاسی ءَ کنگ ءَ اِنت تانکہ آ انوگیں دود ءُ ربیدگی لوٹ آنی گوما ھمگرنچ بہ بنت۔ آئی ءَ مزن وزیر شہباز شریف ءِ دود ءُ ربیدگ ءِ شوبگ ءِ کمک ءِ توسیپ کت ءُ گوشت کہ وھدے کہ لھتیں محکمہ وھدے بندش ءِ تجویز دیم ءَ اتک گڑا مزن وزیر ءَ بے دروریں رنگ ءَ گوشت کہ راج وتی پجار ءَ ھلاس نہ کن اَنت، آ آئی ءَ را رکھینگ ءُ دیمروئی کن اَنت۔ وفاقی وزیر ءَ اے ھم جار جتگ کہ اے سال ءِ گڈ ءَ تاں پاکستان ءِ اولی ڈگری گرانٹنگ انسٹی ٹیوٹ آف آرٹس جوڑ کنگ بیت۔ اے وھد ءَ مئے کرّا آرٹس ءِ پڑ ءَ منّگ بوتگیں ڈگری نیست۔ اے ادارہ چہ درملک ءَ ہائیر ایجوکیشن ءِ موہ ءُ وانگ ءِ دروازگاں پہ نودربراں پچ کنت۔ آئی ءَ گوشت کہ لوک ورسا ءَ ھمک عمر ءِ مردم آنی واستہ آرٹ کلاس بندات کنگ بوتگ انت تانکہ نبشتہ کاری ءِ پڑ آنی تہ ءَ دلگوشی ءُ ستا ءِ دیمروئی بہ بیت۔ نوکیں ازمکار آنی کمک ءِ واستہ ما پاکستان نیشنل کونسل آف آرٹس ءَ نمائش ءِ جاگہ ءَ را مفت یا کمیں ھرچ ءَ داتگ تانکہ ورنائیں ٹیلنٹ آناں پدر کنگ بہ بیت۔ وفاقی وزیر محمد اورنگزیب خان کھیچی ءَ گوشت کہ راجی دود ءُ ربیدگی پالیشی ءِ وسیلگ ءَ پاکستان امن ءُ انسانی درشان ءَ گوں سیادی داروکیں راجدپتر، ساچشت، زیبائی ءُ بے وھدیں تہذیب ءِ راستیں کسہ ءَ پیش کنگ ءِ تیاری ءَ انت۔