وفاقی داخلہ ءِ وزیر محسن نقوی ءَ مظفر آباد ءَ شہیدیں میجر رب نواز ءِ گس ءِ تر ءُ تاب کتگ ءُ آئی ءِ ھاندان ءَ گوں گند ءُ نند کتگ ءُ دلپدردی درشان

اسلام آباد۔ 27جولائی (اے پی پی) وفاقی تہی کارانی وزیر محسن نقوی ءَ مظفر آباد ءَ شہید میجر رب نواز ءِ گس ءِ تر ءُ تاب کتگ ءُ شہید میجر نواز ءِ پت، برات ءُ اے دگہ کھول ءِ مردماں گوں گند ءُ نند کتگ ءُ آئی ءِ شہادت ءِ سر ءَ کھول ءِ گوما دلپدردی درشان کتگ ءُ آئی ءِ برز کنگ ءِ دعا کتگ۔ ادا جاڑی بوتگیں بیان ءِ رد ءَ وفاقی توکی کارانی وزیر محسن نقوی ءَ شہید بوتگیں میجر راب نواز ءِ بہادری ءُ دلیری ءَ را ستا کرتگ۔ تہی کارانی وزیر محسن نقوی ءَ شہیدیں میجر راب نواز ءِ پت ءُ برات ءِ دلیری ءُ جزبگ ساڑاتگ ءُ گوشت کہ ھما راج کہ تئی وڑیں دلیریں پت بہ بیت دژمن ءِ دست ءَ شکست دیگ نہ بیت۔ محسن نقوی ءَ گوشت کہ فتنہ الهندستان ءِ ناشرکار آنی ھلاپ ءَ بہادری ءَ گوں جنگ کنگ ءِ وھد ءَ میجر رب نواز ءَ ملک ءِ واستہ وتی گران بھائیں جان ندر کتگ۔ میجر رب نواز راج ءِ ھیرو اِنت ءُ مدام مئے دلانی تہ ءَ نشت ءِے ۔ ما گوں ھاندان ءَ اوشتاتگیں ءُ مدام گوں آھاں اوشتات کنیں۔ محسن نقوی ءَ گوشت کہ شہید آں وتی گران بھائیں ھوناں گوں امن ءِ رشتہ کتگ ءُ سرجمیں راج ءَ شہید آنی مزنیں کُربانی آنی سر ءَ پھر انت ۔ میجر رب نواز ءَ لھتیں روچ پیسر بلوچستان ءِ دمگ آواران ءَ فتنہ الهندستان ءِ ناشرکارانی گوما دلیری ءَ گوں جنگ ءِ وھد ءَ وتی جان ندر کتگ۔