وفاقی وزیر شزہ  فاطمہ خواجہ ءَ گوانگڈونگ گروپ ءِ بانی ءَ گوں گند ءُ نند کتگ، آئی سی ٹی ءُ نوکیں توانائی ءِ شوبگ آنی تہ ءَ سرمایہ کاری ءِ موہ آنی سر ءَ گپ ءُ تران

شنگھائی ۔27جولائی  (اے پی پی):وفاقی وزیر شازہ فاطمہ خواجہ ءَ چین ءِ گوانگڈونگ گروپ ءِ بانی ءَ گوں گند ءُ نند کتگ ءُ پاکستان ءِ آئی سی ٹی ءُ نوکیں توانائی ءِ شوبگ آنی تہ ءَ سرمایہ کاری ءِ موہ آنی سر ءَ گپ ءُ تران کتگ۔ ادا جاڑی بوتگیں بیان ءِ رد ءَ شنگھائی ءَ جاری گلوبل آرٹیفیشل انٹیلی جنس کانفرنس ءِ ساھت ءَ یک شمبے ءِ روچ ءَ انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شازہ فاطمہ خواجہ ءَ گوں گند ءُ نند کتگ۔ ڈل ءَ پاکستان ءِ آئی سی ٹی ءِ شوبگ ءَ ھاسیں رنگ ءَ ٹیلی کمیونیکیشن ٹاور، ڈیٹا سینٹر ءُ کلاؤڈ کمپیوٹنگ انفراسٹرکچر ءِ پڑ ءَ سرمایہ کاری ءِ تہ ءَ سک باز واھشت ءِ درشان کت۔ واجہ لو جی ءَ پاکستان ءَ الیکٹرک گاڑی چارجنگ اسٹیشن، سمارٹ سٹی سولیوشن ءُ ایڈوانسڈ میٹریل مینوفیکچرنگ ءِ وڑیں نوکیں توانائی ءِ شوبگ آنی تہ ءَ سرمایہ کاری ءِ واھشت ءِ ھم درشان کت۔ وفاقی وزیر ءَ سرمایہ کاری ءِ تجویز آناں وش اتک کنان ءَ گوانگڈونگ گروپ ءَ را پاکستان ءِ تر ءُ تاب ءِ دعوت دات کہ آ سیادی داروکیں اسٹیک ہولڈر آنی گوما گیش تفصیلی شور ءُ سلاھ ءِ واستہ پاکستان ءِ تر ءُ تاب ءَ بہ کنت۔ آئی ءَ ڈل ءَ را حکومت ءِ نیمگ ءَ سرجمیں رنگ ءَ کمک ءُ آسراتی ءِ دل یکیمی دات۔ وفاقی وزیر ءَ اے گپ ءِ سر ءَ زور پر دات کہ اے گامگیج مزن وزیر شہباز شریف ءِ ’’ڈیجیٹل نیشن پاکستان‘‘ ءِ وژن ءِ رد ءَ اَنت ایشی ءِ مول ءُ مراد ٹیکنالوجی، ھواریں دیمروئی ءُ نوکیں ڈیجیٹل انفراسٹرکچر ءِ وسیلگ ءَ پاکستان ءَ را دیمروئی ءِ نوکیں راہ آنی سر ءَ برگ اِنت۔ وفاقی داخلہ ءِ وزیر محسن نقوی ءَ مظفر آباد ءَ شہید میجر رب نواز ءِ گس ءِ تر ءُ تاب کتگ ءُ آئی ءِ ھاندان ءَ گوں گند ءُ نند کتگ ءُ دلپدردی درشان کتگ۔