سینیٹ ءِ چیئرمین سید یوسف رضا گیلانی ءَ کیپٹن محمد سرور شہید ءَ را توسیپ ءُ ستا

اسلام آباد۔27جولائی  (اے پی پی): سینیٹ ءِ چیئرمین سید یوسف رضا گیلانی ءَ کیپٹن محمد سرور شہید (نشان حیدر) ءِ 77می بیرانی ءِ سالروچ ءِ درگت ءَ آئی ءَ را یات کنان ءَ وتی کلوہ ءِ تہ ءَ گوشت کہ کیپٹن سرور شہید ءَ  بے دروریں    کُربان وتی ملک ءَ را پیش کتگ۔ سینیٹ سیکرٹریٹ ءِ نیمگ ءَ جاڑی بوتگیں بیان ءِ تہ ءَ سینیٹ ءِ چیئرمین سید یوسف رضا گیلانی ءَ گوشت کہ 1948ءِ جنگ ءَ اُری شعبہ ءَ دژمن ءِ دنتان تلوسوکیں کیپٹن سرور شہید ءَ وتی سر ءِ ندر کنگ ءَ ملک ءِ بنیات مھکم کتگ اَنت۔ آئی ءِ قربانی پہ آیوکیں پدریچاں ہمت، وفاداری ءُ قربانی ءِ دربرگ انت۔ چیئرمین سینیٹ ءَ گشتگ کہ شہیدانی قربانی پاکستان ءِ زندگ داری ءُ ایمنی ءِ ضمانت انت۔ ما وتی دلادریں زھگاں سلام پیش کنیں کہ آیاں پہ ماتیں گلزمین ءَ وتی سر ندر کتگ اَنت دانکہ ما یک امن ءُ ایمنی ءِ باندا ءَ بہ گندیں۔ آئی ءَ گوشت کہ زندگیں راج وتی شہیداں کدی شموشکار نہ بنت بلکیں راجی دیمروئی ءُ دفاع ءَ را مھکم کنگ ءِ واستہ مدام آوانی قربانی آں یات کن اَنت ءُ آوانی رندگیری ءَ کن اَنت۔ سید یوسف رضا گیلانی ءَ گوشت کہ سرجمیں راج ءَ را کیپٹن سرور شہید ءِ وڑیں بامردیں سپاھیگ آنی سر ءَ پھر اِنت، ایشاں مئے آیوکیں باھند آناں آجوئی دیگ ءِ واستہ وتی ھون داتگ اَنت۔ گوانگڈونگ گروپ ءِ بانی ءَ وفاقی وزیر شازہ فاطمہ خواجہ ءَ گوں گند ءُ نند کتگ ءُ آئی سی ٹی ءُ نوکیں توانائی ءِ شوبگ ءَ سرمایہ کاری ءِ موہ آنی بابت ءَ گپ ءُ تران کتگ۔