اسلام آباد۔27جولائی (اے پی پی): وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال ءَ گوشت کہ سی پیک ءِ اولی بھر سوبمندیں رنگ ءَ سرجم کنگ بوتگ۔ سی پیک ءِ دومی بھر ءَ صنعتی کمک، کشت ءُ کشاری، آئی ٹی ءُ چاگردی دیمروئی ءِ سر ءَ دلگوشی دیگ بوتگ۔ سی پیک ءَ را میاں اوستمانی ایشیا ءَ گوں ہمگرنچ کنگ ءَ چہ دمگ ءَ اقتصادی …
سی پیک ءِ دومی بھر ءَ صنعتی کمک، کشت ءُ کشاری، آئی ٹی ءُ چاگردی دیمروئی ءِ سر ءَ دلگوشی دیگ بوتگ۔ وفاقی وزیر پروفیسر احسن اقبال ءَ چین ءِ سفیر جیانگ زیڈونگ ءَ گوں گند ءُ نند ءَ گوشت کہ سی پیک ءَ را میاں اوستمانی ایشیا ءَ گوں ھمگرنچ کنگ دمگ ءَ اقتصادی برجائی ءِ وسیلگ جوڑ بیت
گیشتریں ھال
اسلام آباد۔27جولائی (اے پی پی): وفاقی وزیر ءِ منصوبگ بندی، دیمروئی ءُ ھاسیں گامگیج پروفیسر احسن اقبال ءَ گوشت کہ سی پیک ءِ اولی بھر سوبمندیں رنگ ءَ سرجم کنگ بوتگ۔ سی پیک ءِ دومی بھر ءَ صنعتی کمک، کشت ءُ کشاری، آئی ٹی ءُ چاگردی دیمروئی ءِ سر ءَ دلگوشی دیگ بوتگ۔ سی پیک ءَ را میاں اوستمانی ایشیا ءَ گوں ہمگرنچ کنگ ءَ چہ دمگ ءَ اقتصادی برجائی ءِ وسیلگ جوڑ بیت۔ وزارت ءِ منصوبہ بندی ءِ رد ءَ وفاقی وزیر پروفیسر احسن اقبال ءَ گوں چین ءِ سفیر جیانگ زے تونگ ءَ گند ءُ نند کتگ۔ گند ءُ نند ءِ تہ ءَ وفاقی وزیر برائے میری ٹائم محمد جنید انور چوہدری ءَ ھم بھر زوری کت۔ گند ءُ نند ءَ دوئیں ملک آنی مزن تک ءِ ڈل آں ھم بہر زرتگ۔ گند ءُ نند ءِ ساھت ءَ تران کنان ءَ پروفیسر احسن اقبال ءَ گوشت کہ آیوکیں جے سی سی ءَ ھاسیں پیسلہ آنی امیت اِنت ایشی ءَ چہ دوئیں ملک آنی نیام ءَ سیادی ءَ را گیش جوان بیت۔ آئی ءَ گوشت کہ سی پیک ءِ اولی بھر جوانیں رنگ ءَ سرجم کنگ بوتگ، سی پیک ءِ دومی بھر ءَ صنعتی کمک، کشت ءُ کشاری، آئی ٹی ءُ چاگردی دیمروئی ءِ سر ءَ دلگوشی دیگ بوتگ، سی پیک ءَ را میاں اوستمانی ایشیا ءَ گوں ہمگرنچ کنگ خطہ ءَ اقتصادی برجائی ءِ وسیلگ جوڑ بیت۔ وفاقی وزیر ءَ گیش گوشت کہ حکومت ءَ سی پیک منصوبگ آنی سیکورٹی ءَ را گہتر کنگ ءِ واستہ گامگیج چست کتگ، گوادر ءِ دیمروئی ءُ اقتصادی زون آنی جوڑیشت یک مزنیں ترجیح انت، حکومت گوادر ءِ بندرگاہ ءِ گنجائش ءَ چہ سرجمی ءَ پائدگ چست کنگ ءِ واستہ جزم انت۔ احسن اقبال ءَ گوشت کہ گوادر ءُ آئی ءِ کش ءُ گور ءَ معدنیات ءِ شوبگ ءَ بے کساس موہ است انت، ءُ نوکیں انفراسٹرکچر ءِ جوڑ کنگ ءِ وسیلگ ءَ معدنیات ءَ را سرجمی ءَ کارمرد کنگ بوت کنت۔ آئی ءَ گوشت کہ چین ءِ گوما زرعی شوبگ ءَ شریکداری برجاہ اِنت، چین ءَ چہ تربیت گپتگیں ایگری گریجویٹ موسمی بدلی ءَ گوں گر ءُ چیل بوھگ ءَ کمک کن اَنت۔ وفاقی وزیر ءَ گوشت کہ پاکستان خلائی مرکز ءِ جوڑ کنگ راجی ارزشت ءِ اِنت، ایشی ءَ را زوت سرجم کنگ ءَ چین ھاسیں کرد پیلو کنت۔ چینی سفیر ءَ وتی جزم ءِ یک رندے پدا گوشت کہ آیوکیں سال آنی تہ ءَ دوئیں ملک آنی نیام ءَ کمک گیش وسعت بیت۔
