ایف سی بلوچستان نارتھ ءَ امن ءِ برجائی ءِ واستہ بے دروریں قربانی داتگ، وفاقی وزیر داخلہ محسن نقوی

اسلام آباد/کوئٹہ ۔27جولائی  (اے پی پی): وفای تہی کارانی وزیر محسن نقوی ءَ گشتگ کہ ایف سی بلوچستان شمال ءَ امن ءِ برجائی ءِ ھاتر ءَ بے دروریں قربانی داتگ انت، اے فورس ءِ افسر ءُ مردیناں بہادری ءِ راجدپتر جوڑ کتگ ءُ   فتنہ الہندوستان  ءِ جزم ءَ را ڈگار جنگ ءِ واستہ  اے فورس ءِ کارندہ آں جوانیں مزن جگری پیش کتگ، فرنٹیئر کور بلوچستان نارتھ  ءِ اپسرگ ءُ ورنا آنی سر ءَ پھر اِنت ۔  وفاقی وزیر داخلہ محسن نقوی ءَ اے ھیالانی درشانی ہیڈ کوارٹر نارتھ فرنٹیئر کور بلوچستان ءِ تر ءُ تاب ءِ موہ ءَ کت انت۔ ہیڈ کوارٹر ءَ سر بوھگ ءَ پد وزیر داخلہ ءَ را ایف سی بلوچستان نارتھ ءُ فرنٹیئر کور بلوچستان نارتھ ءِ رنگ رنگیں دستہ ءَ وش آتک کت آئی جی میجر جنرل عابد مظھر ءَ وفاقی وزیر داخلہ محسن نقوی ءَ را افسر آنی گوما پجار کت۔ وفاقی وزیر ءَ شہید آنی یات ءَ خراج تحسین پیش کت، شہید آنی یادگار ءَ پُل ایر کت ءُ فاتحہ ءِ پیشکش ھم کت۔ آئی ءَ ایف سی بلوچستان نارتھ ءِ شہیدانی پڑانی برز کنگ ءِ واستہ دعا کتگ ءُ شہیدانی قربانی آناں توسیپ ءُ ستا گپتگ۔ محسن نقوی  ءَ را فرنٹیئر کور بلوچستان  نارتھ کے آئی جی  میجر جنرل عابد مظہر   ءِ نیمگ ءَ فورس ءِ تربیت ءُ پیشہ وارانہ صلاحیت آنی بابت ءَ سرپد کنگ بوتگ۔ اے موہ ءِ سر ءَ تران کنان ءَ وزیر توکی کار محسن نقوی ءَ بلوچستان ءَ امن ءِ برجائی ءِ واستہ فرنٹیئر کور نارتھ ءِ ارزشتی ایں ازمت آناں ساڑات ءُ گوشت کہ فرنٹیئر کور بلوچستان نارتھ یک معتبریں قوت انت۔ محسن نقوی ءَ گیش گوشت کہ امن ءِ برجائی ءِ ھاترا ایف سی بلوچستان شمال ءِ قربانی نا مٹ اَنت، اے فورس ءِ افسر ءُ  ورنا  آں  فتنہ الهندستان ءِ نا شریں ارادہ آنی ناکام کنگ ءَ بہادری ءِ راجدپتر جوڑ کتگ، ءُ فرنٹیئر کور بلوچستان شمال ءِ پیشہ واریں افسر ءُ مردانی مہارت ءُ مردانی سر ءَ فخر اِنت۔