مرچیگیں ایمنیں پاکستان مئے بامردانی مزنیں قربانیانی برورد انت، کلیں راج سلام انت کیپٹن محمد سرور شہید ءِ دلیری ءَ را سلام پیش کنت،   صدر آصف علی زرداری

اسلام آباد۔27جولائی  (اے پی پی): صدر آصف علی زرداری ءَ کیپٹن محمد سرور شہید (نشان حیدر) ءِ 77می بیرانی ءِ سالروچ ءِ درگت ءَ آئی ءَ را یات کنان ءَ گوشت کہ مرچی 77سال پیسر کیپٹن محمد سرور شہید ءَ اولی جنگی وطن ءَ وتی جان ندر کتگ۔ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ تہ ءَ آصف علی زرداری ءَ گوشت کہ کیپٹن محمد سرور شہید ءِ ھمت، محکمی ءُ مزنیں قربانی ءِ سر ءَ راج ءَ را پھر اِنت۔ آئی ءَ گوشت کہ مرچیگیں ایمنیں پاکستان مئے بامرد آنی مزنیں قربانی آنی آسر انت۔ صدر ءِ مملکت ءَ گوشت کہ سرجمیں راج کیپٹن محمد سرور شہید ءِ بہادری ءُ قربانی ءِ سر ءَ را سلام اِنت، آئی ءَ وتی جان دیان ءَ راجی دفاع ءِ یک نا فراموشیں بابے جوڑ کتگ۔ صدر آصف علی زرداری ءَ گوشت کہ شہید آنی قربانی راجی دفاع ءُ راجی برجائی ءِ بنیات انت، راج ءَ را مدام کیپٹن محمد سرور شہید ءِ قربانی یات بیت۔