پاکستان صیہونی زلم ءُ زوراکی ءِ آماچیں بے گناہیں فلسطینی برات ءُ گہاراں سفارتی ءُ اخلاقی کمک ءَ برجاہ دار ایت، مزن وزیر محمد شہباز شریف

اسلام آباد۔26جولائی  (اے پی پی): مزن وزیر محمد شہباز شریف ءَ گوشت کہ پاکستان ھما بے گناھیں فلسطینی برات ءُ گہار آناں کہ صیہونی زلم ءُ زوراکی ءِ آماچ انت آھاں سفارتی ءُ اخلاقی کمک ءَ برجاہ دار ایت۔ پاکستان وتی فلسطینی برات ءُ گہارانی میان استمانی براتی ءُ دنیا ءِ ہر دیوان ءِ تہا توار ءِ بستار ءَ برجاہ دار ایت ءُ آہانی سرا کنگ بوؤکیں غیر انسانی ظلم ءُ زوراکیانی ہلاپ ءَ وتی توار ءَ چست کنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءُ امیر جماعت اسلامی حافظ نعیم الرحمان ءِ نیام ءَ ٹیلی فون ءِ سر ءَ گپ ءُ تران بوتگ۔ دوئیں رہشوناں غزہ ءَ بے گناہیں فلسطینی آنی سر ءَ اسرائیل ءِ جاری بربریت ءِ سر ءَ سک باز جیڈھ ءِ درشانی کتگ۔ مزن وزیر ءَ اسرائیل ءِ نیمگ ءَ چہ غزہ ءَ فلسطینی آناں کمک ءِ سر کنگ ءِ بند کنگ ءُ ایشی ءِ آسر ءَ وردن ءِ کمی ءُ غزہ ءَ روچ پہ روچ گیش بوھوکیں غیر انسانی صیہونی ظلم ءُ زوراکی آنی سر ءَ سک باز مذمت کتگ ءُ گوشت کہ پاکستان غزہ ءَ فلسطینی آناں کمک ءِ پھجارینگ ءَ برجاہ دار ایت۔ مزن وزیر ءَ گوشت کہ پاکستان ناکہ بندی ءِ ھلاسی ءِ واستہ ھمک پڑ ءَ سفارتی کوشست ءَ کنت ءُ فلسطینی برات ءُ گھار آناں وردن ءُ وراک ءِ سامان آنی رسگ ءَ را پدا بحال کنگ ءِ واستہ دیم ءَ روان کنت ایشانی تہ ءَ زھگ ءُ زالبول ھم ھوار انت کہ آ گُژنگ ءِ آماچ انت۔ مزن وزیر ءَ گوشت کہ پاکستان ھما بے وسیں فلسطینی برات ءُ گھار آناں کہ صیہونی زلم ءُ زوراکی ءِ آماچ انت، سفارتی ءُ اخلاقی کمک ءَ برجاہ دار ایت۔ پاکستان وتی فلسطینی برات ءُ گہارانی میان استمانی براتی ءُ دنیا ءِ ہر دیوان ءِ تہا توار ءِ بستار ءَ برجاہ دار ایت ءُ آہانی سرا کنگ بوؤکیں غیر انسانی ظلم ءُ زوراکیانی ہلاپ ءَ وتی توار ءَ چست کنت۔ مزن وزیر ءَ گوشت کہ وھدیکہ پاکستان ءِ حکومت ءَ سفارتی چینل آنی وسیلگ ءَ غزہ ءَ زلم ءُ زوراکی ءِ آماچیں فلسطینی برات ءُ گھار آناں کمکی سامان آنی پجاری برجاہ داشتگ، الخدمت فاؤنڈیشن ءَ سرجمیں ملک ءَ مہم ءِ بندات کنان ءَ غزہ ءَ کمکی سامان آنی سر کنگ ءَ را دل یکیمی کتگ۔ مزن وزیر ءَ غزہ ءِ آماچیں مردم آناں کمک ءِ سامان دیم دیئگ ءِ واستہ جماعت اسلامی فاؤنڈیشن امیر ءِ کوشست آناں ساڑات۔ جماعت اسلامی ءِ امیر ءَ گوشت کہ فلسطین ءِ راہشون آں گوں من رابطہ کتگ ءُ غزہ ءَ جنگ بندی ءِ برجائی ءُ وردن ءُ وراک ءِ کمک پجارینگ ءِ واستہ پاکستان ءِ مزن وزیر سروکیں کرد ءَ پیلو کنگ ءِ اپیل کتگ۔ فلسطین ءِ راج ءُ سرجمیں اسلامی دگنیا ءَ چہ پاکستان ءُ آئی ءِ رھشونی ءَ سک باز امیت انت ۔ مزن وزیر ءَ را اسلامی ملکاں ھوار میان استمانی براتی ءَ گوں ھاسیں رابطہ کنگی اِنت ءُ سروکیں کرد پیلو کنگی اِنت۔