مزن وزیر شہباز شریف ءِ گشگ انت کہ درملک ءَ پاکستانی آں چہ رستگیں زرّ پاکستان ءِ دیمروئی ءِ تہا مزنیں کردے پیلو کن انت

اسلام آباد۔26جولائی  (اے پی پی):مزن وزیر شہباز شریف ءَ اوورسیز پاکستانی آنی پاکستان ءَ زرّ دیم دیگ ءِ آسراتی ءِ واستہ اسکیم ءِ برجاہ دارگ ءِ پیسلہ کتگ ءُ گوشت کہ اوورسیز پاکستانی مئے مھکم ءُ پاکستان ءِ ارزشتی ایں سرڈگار اَنت۔ درملک ءِ پاکستانیانی نیمگ ءَ چہ رستگیں زرّ پاکستان ءِ دیمروئی ءِ تہ ءَ مزنیں کردے پیلو کن اَنت کہ من ءَ ھوار سرجمیں راج ھم ایشی ءِ ارزشت ءَ دار اَنت۔ شمبے ءِ روچ ءَ مزن وزیر ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ وزارت ءِ ھزانگ ءَ را ترجیحی بنیاد ءَ کارکن آنی حوالہ جات ءِ  سر ءُ سوجی  اسکیم ءِ واستہ ترندیں رنگ ءَ فنڈز ءِ ریلیز کنگ ءِ ہدایت کتگ ءُ گوشت کہ درملکی پاکستانی مئے مھکم ءُ پاکستان ءِ ارزشتی ایں اثاثہ اَنت۔ درملک ءِ پاکستانیانی نیمگ ءَ چہ رستگیں زرّ پاکستان ءِ دیمروئی ءِ تہ ءَ مزنیں کردے پیلو کن اَنت کہ من ءَ ھوار سرجمیں راج ھم ایشی ءِ ارزشت ءَ دار اَنت۔ مزن وزیر ءَ گوشت کہ مالی سال 2025 ءَ درملکی پاکستانی آں 14سال ءِ تہ ءَ اولی رند ءَ کرنٹ اکاؤنٹ سرپلس ٹارگٹ ءِ سرجمی ءَ 38.3ارب ڈالر ءِ ریکارڈ ءِ کساس ءَ زرّ ءِ دیم دیگ ءَ کلیدی کرد پیلو کتگ۔ اے حوالہ جات ءَ نہ ایوک ءَ درآمد ءِ گیش بوھوکیں بل ءِ ادا کنگ بوتگ بلکیں درملکی زرّ ءِ ذخائر ءَ را گیش کنگ ءَ ھم کمک کتگ۔ چہ درملک ءِ کارمنداں بگر داں تاجراں ہم وطن زرّ ءِ دیم دیگ ءَ ملک ءِ جوڑیشت ءُ دیمروئی ءِ تہا مزنیں کردے پیلو کن اَنت۔ مزن وزیر ءَ گوشت کہ محنتی پاکستانی آنی نیمگ ءَ درملک ءَ دیم داتگیں زرّ ءِ راہ ءِ تہ ءَ اڑاند آناں ھلاس کنگ بوھگ ءَ انت ءُ نظام ءَ را جوانتر، بے مٹ ءُ آسان جوڑ کنگ بوھگ ءَ انت۔