ایکسپورٹ پروسیسنگ زونز اتھارٹی ءِ سی ای او اے ڈی خواجہ ءَ مزن وزیر ءِ ھاسیں کمکار ہارون اختر خان ءَ گوں گند ءُ نند

اسلام آباد۔26جولائی  (اے پی پی):صنعت ءُ پیداوار ءِ بابت ءَ مزن وزیر ءِ ھاسیں کمکار ہارون اختر خان ءَ گوشت کہ ایکسپورٹ پروسیسنگ زون اتھارٹی ءَ را میاں اوستمانی معیار ءِ رد ءَ بہ بیت تانکہ سرمایہ کاری ءَ را وتی نیمگ ءَ رازیگ بہ کنت ءُ برآمدات ءَ را دیمروئی بہ دنت۔ آئی ءَ اے ھیالانی درشانی شمبے ءِ روچ ءَ ایکسپورٹ پروسیسنگ زون اتھارٹی ءِ نوکیں چیف ایگزیکٹو آفیسر اے ڈی خواجہ ءَ گوں گند ءُ نند ءِ ساھت ءَ کت۔ وزارت صنعت ءُ پیداوار ءِ نیمگ ءَ جاڑی بوتگیں بیان ءِ رد ءَ ھارون اختر خان ءَ اے ڈی خواجہ ءَ را ایپزا ءِ سی ای او ءِ چارج ءِ زمہ واری ءِ سر ءَ مبارک بات داتگ ءُ سوبمندی ءِ واستہ نیکیں واھگ آنی درشان کتگ۔ گند ءُ نند ءِ ساھت ءَ فریقین ءَ ای پی زا ءِ توانائی، استیں چیلنج ءُ اتھارٹی ءَ را گیش مقابلہ ءُ کارآمد جوڑ کنگ ءِ حکمت عملی ءِ سر ءَ ھم تفصیل ءَ گپ ءُ تران کت۔ ہارون اختر خان ءَ اے گپ ءِ سر ءَ زور پر دات کہ ایکسپورٹ پروسیسنگ زون اتھارٹی ءَ را میاں اوستمانی معیار ءِ رد ءَ بہ بیت تانکہ سرمایہ کاری ءَ را وتی نیمگ ءَ رازیگ بہ کنت ءُ برآمدات ءَ را دیمروئی بہ دنت۔ آئی ءَ سی ای او ءَ را اتھارٹی ءِ کارکردگی ءُ کوالٹی ءَ را میاں اوستمانی معیار ءِ رد ءَ گیش کنگ ءِ واستہ گہتری ءُگہتری کار ءِ بندات کنگ ءِ تہ ءَ سرجمیں کمک ءِ دل یکیمی ھم دات۔