اسلام آباد۔26جولائی (اے پی پی):بیجنگ ءَ برجم داشتگیں یونیورسل ہیلتھ کیئر ءِ ھوالگ ءَ گول میز ءِ سر ءَ گپ ءُ تران ءَ وفاقی جان سلامتی ءِ وزیر سید مصطفیٰ کمال ءَ بھر زرتگ۔ ادا جاڑی بوتگیں بیان ءِ رد ءَ گول میز ءِ گپ ءُ تران ءَ سرجمیں دگنیا ءِ جان سلامتی ءِ وزیراں بہر زرتگ۔ سید مصطفیٰ کمال ءَ اے موہ ءِ سر ءَ جان سلامتی ءِ آسراتی ءُ پائیدار گہتری کار ءِ بابت ءَ گپ ءُ تران کنان ءَ جان سلامتی ءِ جیڈھ آنی بُنکی سبب آنی سر ءَ دلگوشی دیگ ءِ ضلورت ءِ سر ءَ زور پر دات ءُ گوشت کہ جان سلامتی ءِ جیڈھ آنی کنٹرول ءَ چہ آیوکیں وھد ءَ را ایمن کنگ بوت کنت۔ مصطفیٰ کمال ءَ گوشت کہ جان سلامتی ءِ نظام ءِ تہ ءَ راستیں بدلی تجروبت آنی مٹ ءُ بدلی ءَ چہ ممکن اِنت، پاکستان جان سلامتی ءِ آسراتی آنی تہ ءَ یک وڑیں رسائی ءِ جھان ءِ وژن ءِ سرجمی ءَ کمک کنت۔
