انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ چینی گل پیس کیبل انٹرنیشنل نیٹ ورک ءِ ڈل ءَ گوں گند ءُ نند کت، سب میرین ءُ زمینی آپٹیکل فائبر کیبل آنی وسیلگ ءَ ڈیجیٹل رابطہ کاری ءَ را گہتر کنگ ءِ بابت ءَ گپ ءُ تران

اسلام آباد۔26جولائی  (اے پی پی):شنگھائی ءَ برجاھیں ورلڈ آرٹیفیشل انٹیلی جنس کانفرنس ءِ ساھت ءَ انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ چینی گل پیس کیبل انٹرنیشنل نیٹ ورک ءِ مزنیں ڈل ءِ گوما ھاسیں گند ءُ نند کت۔ ادا رستگیں پریس ریلیز ءِ رد ءَ پیس کیبل ءِ ڈل ءِ سروکی ءَ چیف ایگزیکٹو آفیسر سن ژیاؤہواکر ءَ کتگ وھدے کہ آئی ءِ ھمراھی ءَ سیلز ڈائریکٹر ژوانگ وی ھم بوتگ کہ آئی ءَ را لکس ءِ نام ءَ ھم زانگ بیت۔ گند ءُ نند ءَ آبدوز ءُ زمینی آپٹیکل فائبر کیبل ءِ وسیلگ ءَ پاکستان ءُ خطہ ءِ نیام ءَ ڈیجیٹل کنکٹیویٹی ءِ گہتری ءِ بابت ءَ سرجمی ءَ گپ ءُ تران کنگ بوت۔ ڈل ءَ پیس کیبل ءِ مزنیں پورٹ فولیو ءِ سر ءَ زور پر دات کہ ایشی ءِ تہ ءَ آبدوز ءُ زمینی فائبر کیبل ءُ نوکیں توانائی ءِ حل ھوار اَنت وھدیکہ کمپنی ءِ سالانہ آمدنی ءِ اندازہ 24ارب امریکی ڈالر ءِ کساس ءَ بوتگ۔ وفاقی وزیر ءَ ڈل ءَ را پاکستان ءِ مزن وزیر شہباز شریف ءِ ’’ڈیجیٹل نیشن پاکستان‘‘ ءِ وژن ءِ بابت ءَ سرپد کت کہ ایشی ءِ یک ھاسیں ستون نیشنل فائبرائزیشن پالیسی اِنت۔ اے وژن ءِ چیر دستی ءَ حکومت ءِ مول ءُ مراد آیوکیں سئے سال آنی تہ ءَ 10ملین لوگ آناں فائبر براڈ بینڈ ءَ گوں ھمگرنچ کنگ، موبائل ٹاور آنی فائبرائزیشن ءَ را 14درسد ءَ چہ 60درسد ءَ گیش کنگ ءُ مزن وزیر ءِ سروکی ءَ گہتری کار ءِ وسیلگ ءَ رائٹ آف وے ءِ ھرچ ءُ درچ ءَ را مزنیں کساسے ءَ کم کنگ اِنت۔ پیس کیبل ءَ را پاکستان ءَ ایف ٹی ٹی ایچ نیٹ ورک ءِ جوڑ کنگ ءِ تہ ءَ سرمایہ کاری ءِ دعوت دیگ بوتگ، او ڈی این مارکیٹ ءَ داخل بوھگ ءُ زمینی فائبر انفراسٹرکچر ءِ دیمروئی ءِ واستہ موہ آناں شوھازگ ءِ دعوت دیگ بوتگ۔ اے درگت ءَ آئی ٹی ءِ وفاقی وزارت ءَ نجی ءُ سرکاری شوبگ ءِ گوما سرجمیں کمک ءِ دل یکیمی داتگ۔