لس مردم ءِ واستہ ٹیکس ءِ کمی ءِ ٹارگٹ ایوک ءَ ٹیکس ءِ بنجاہ ءَ را گیش کنگ ءُ غیر رسمی معیشت ءِ ھلاس کنگ ءَ چہ سرجم کنگ بیت۔ ایف بی آر ءِ جاڑیگیںگہتری کار ءِ برورد  آنی سبب ءَ معیشت جوانیں نیمگ ءَ روگ ءَ اِنت، مزن وزیر شہباز شریف

اسلام آباد۔26جولائی  (اے پی پی):مزن وزیر محمد شہباز شریف ءَ گوشت کہ لس مردم ءِ واستہ ٹیکس آنی تہ ءَ کمی ءِ ٹارگٹ ایوک ءَ ٹیکس بیس ءِ تہ ءَ گیشی ءُ غیر رسمی معیشت ءِ ھلاسی ءَ چہ سرجم کنگ بیت۔ ایف بی آر ءِ جاڑیگیںگہتری کار ءِ میوہ آنی سبب ءَ معیشت جوانیں نیمگ ءَ روگ ءَ اِنت۔ نہ ایوک ءَ ڈیجیٹلائزیشن بلکیں نوکیں نظام ءِ مھکم کنگ ءِ ھاترا سرجمیں ڈیجیٹل ایکو سسٹم جوڑ کنگ بہ بیت۔ خام مال ءِ تیاری ءُ درآمد، مصنوعات ءِ مینوفیکچرنگ ءُ صارفین ءِ خریداری ءَ چہ درستیں ڈیٹا یکیں نظام ءَ گوں ہمگرنچ کنگ بہ بنت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ایف بی آر ءِ برجاھیں گہتری کار ءِ ھوالگ ءَ جائزہ دیوان برجم دارگ بوت۔ دیوان ءِ تہ ءَ وفاقی محمد اورنگزیب، احد خان چیمہ، وزیرِ مملکت بلال اظہر کیانی، چیئرمین ایف بی آر،چیف کوآرڈینیٹر مشرف زیدی، اقتصادی ماہرین ءُ سیادی داروکیں مزنیں کارندہ آں دیوان ءَ بہر زرتگ۔ دیوان ءَ ایف بی آر ءِ ڈیٹا ءَ را یکیں مرکز ءَ گوں یکجا کنگ ءُ سرجمیں ویلیو چین  ءِ  رئیل ٹائم مانیٹرنگ ءِ واستہ نوکیں ڈیجیٹل ایکو سسٹم ءِ جوڑ کنگ ءِ تہ ءَ بوتگیں پیشرفت ءِ بابت ءَ سرپدی دیگ بوت۔ اے موہ ءِ سر ءَ مزن وزیر ءَ ایف بی آر ءَ نوکیں ءُ جھان ءِ درجگ ءِ ڈیجیٹل ایکو سسٹم ءِ جوڑ کنگ ءِ منظوری دات ءُ جھان ءِ نامداریں ماہرین آنی ازمت آنی سر ءَ زورگ ءِ ہدایت کت ءُ گوشت کہ ایف بی آر ءِ برجاھیں گہتری کار آنی پائدگ آنی سبب ءَ معیشت جوانیں رنگ ءَ دیم ءَ روگ ءَ اِنت۔ مزن وزیر ءَ ہدایت کت کہ نوکیں نظام ءَ را مہکم کنگ ءِ واستہ نا ایوک ءَ ڈیجیٹلائزیشن بلکینگ ءَ سرجمیں ڈیجیٹل ایکوسسٹم جوڑ کنگ بہ بیت۔ خام مال ءِ تیاری ءُ درآمد، مصنوعات ءِ مینوفیکچرنگ ءُ صارفین ءِ خریداری ءَ چہ درستیں ڈیٹا یکیں نظام ءَ گوں ہمگرنچ کنگ بہ بنت۔ نظام ءَ را انچو موثر جوڑ کنگ بہ بیت کہ سرجمیں ویلیو چین ءَ را ڈیجیٹل رنگ ءَ براہ راست نگرانی کنگ بہ بیت۔ نظام ءِ چیر دستی ءَ یکجا کتگیں مرکزی ڈیٹا ءَ را اقتصادی اسٹریٹجک فیصلہ سازی ءِ ھاتر ءَ کارمرز کنگ بہ بیت۔